شن طارق يحيى، مدرب الزمالك السابق، هجوم عنيف، ضد البرتغالي جوزيه جوميز، المدير الفني للفارس الأبيض، بعد التعادل أمام فاركو.
وقال يحيى خلال تصريحات تليفزيونية ببرنامج “اللعيب”، عبر قناة “mbc مصر”:” هل جوميز راضي عن تغييرات وتشكيلاته؟، لاعب الكرة يستمد القوة وجديته من القيادة الفنيه لا ارى جوميز يضيف الجديد في الزمالك انا مش هاشتغل في النادي اشتغلت كثيرفيه، انما اقول ذلك من اجل المصلحه، ذنب الجمهور ايه يشوف الفريق كده”.
واضاف: “الزمالك فريق لاحول له ولاقوة له، وبنوصل للمرمى كثير ولكن مش بنسجل، وهناك حالة من العشوائيه، اضافة إلى انا احاول اصحح ازيد الطين بله، واطلع 2 نجوم عبدالله السعيد وناصر ماهر، وانزل ولاد صغيرة، ايه الوحي اللي جالك تنزل ولاد صغيرة، وانت في حاجه للاعب خبره”.
وتابع يحيى:” انا لو من رئيس الزمالك امشيه واجيب حد من ولاد النادي، عندك طارق مصطفى او مؤمن سليمان، انت الدوري خلاص، وامامك السوبر الإفريقي وقبل كده ولادك اخدوا السوبر من الاهلي”.
وأختتم:” انت نزلت ولدين صغيرين دبحتهم، ايه اللي هو شايفه في شحاتة باك يمين، محمد عاطف مش وحش نزله”.
شاهد:
