مقدمة نارية من إبراهيم عبد الجواد بسبب أزمة وفاة أحمد رفعت ويطالب بـ 4 إجراءات عاجلة!!- فيديو
علق الإعلامي ابراهيم عبدالجواد، علي ازمة وفاة أحمد رفعت لاعب نادي مودرن سبورت، وطالب بأربع إجراءات عاجلة.
وقال عبد الجواد خلال تصريحات تليفزيونية ببرنامج “الهدف”، عبر قناة “أون تايم سبورتس”:” ربنا يرحم اللاعب احمد رفعت ويصير اهله، أحمد رفعت في مكان احسن من اللي فيه كلنا، الجاي لازم يتغير والأمور اللي حصلت معاه متتكررشي “.
وتابع:” كل التحيه والتقدير والاحترام للشخص الذي أخذ قرار بفتح تحقيق في واقعة اللاعب احمد رفعت “.
وشدد عبد الجواد:” لازم نشوف قصه احمد رفعت علشان نستفيد منها الفتره الجايه لأنها كشفت عورات الكره المصريه واللي مش شايف كده اعمى واحنا قسمنا القصه 4 اجزاء لحل أزمة الكره المصريه لما بصينا في الجوانب كده”.
واشار: “الأول إدارة : ازاي يكون في إدارة ومسؤولين يوعدوا لاعب بحل أزمته في التجنيد وهو لا يستطيع فعل ذلك، ازاي يبقى في إدارة لأحد الانديه في الدوري بتتحايل وهي عارفه أن في موقف تجنيدي للاعب، ولازم يحصل حل للقصه دي بعد كده”.
وواصل عبد الجواد:” ثانيا، ازاي رئيس رابطه الانديه المصرية يجمع ما بين منصبين برئاسة نادي واللائحة بتقول كده، واللي بيقول هو ينفع نجيب حد من إدارة الأهلي أو الزمالك يمسك رابطه الانديه “.
واكمل:” ثالثا الازمه الطبيه، لازم الناس تشوف الإجراءات الطيبه وان احمد رفعت قعد مده طويله لما حصله كده ومكنشي في جهاز صدمات كهربا وكل تأخير في الثواني بيأخر في الشفاء”.
وزاد عبد الجواد: “طيب هي الرابطه عملت ايه بعد الواقعه دي وحد حقق مع الانديه أو المسؤولين وقالوا فين دوركم فين الاجهزه الطبيه، هل الرابطة عرفتنا ايه اللوائح الطبيه المسؤوله للانديه طيب عملت ايه علشان تتلافى القصه دي؟”.
وأتم:” رابعا: الجانب الرابع هو الإعلام، احنا كل يوم يخرج علينا ناس بتصريحات اسوء من اللي قبلها”.
شاهد:
