شن احمد حسام ميدو ، هجوما على المسؤلين عن وفاة احمد رفعت لاعب مودرن سبورت ، مؤكدا ان السبوبة وراء وفاة اللاعب .
وقال احمد حسام ميدو في فيديو قام بنشره عبر حسابه الشخصي على موقع التواصل الاجتماعي انستجرام : موضوع احمد رفعت عبارة عن شوية عيال كانوا برا مجال كرة القدم ولسه داخلين قريب .
وواصل : العيال دي دخلو اختبارات الإتحاد الدولي مع اتحاد الكرة علشان يكونوا وكلاء لاعبين ودلوقتي بقوا مسئولين في الكرة علشان يسهلو موضوع إنهم يقوموا بالسبوبة ، وممكن يعملوا أي حاجه عشان السبوبه تتم.
وأكد : اللي حصل فجر علني ، وواضح جدا إن احمد رفعت جاله اكتئاب وفي أي بلد تانيه ، كان المفروض بعد اللى حصل للاعب يتم تأهيله نفسيا قبل ما يرجع يلعب كرة.
وشدد : احمد رفعت انضحك عليه ودا بسبب ناس كلها هدفها السبوبة.
وزاد : للأسف فيه فاسدين وصلوا لقمة هرم إدارة الكرة المصرية.
وتابع : مع إحترامي لنادر شوقي أنا زعلت منك لما قولت انا كنت واقف قدام الكاميرا علشان احجم احمد رفعت في اخر لقاء قبل وفاته ، دا راجل اتظلم.
وأشار : انا كنت مستني منك في حلقة إمبارح اكتر من كدا كمان يانادر.
واتم : العيال اللي كل هدفهم السبوبة ويلبسوا طاقية دا لطاقية دا لازم يتحاسبوا ، العيال دا متربتش ، أهاليهم وهما صغيرين مقعدوش معاهم كفاية ، أنا عارف أهاليهم كانوا بيعملوا ايه .
شاهد الفيديو
View this post on Instagram
