فتح حمادة عبد اللطيف، لاعب الزمالك السابق، النار على البرتغالي جوزيه جوميز، المدير الفني للفريق الأول لكرة القدم، بعد التعادل أمام بلدية المحلة في الدوري.
وقال عبد اللطيف في تصريحات عبر قناة “الزمالك”:” مفيش مدرب بيغير 8 لاعبين مره واحده، انت عملت التجربه في ماتش الاسماعيلي ومنجحتش المفروض تشارك اللاعبين الشباب في اوقات معينه ومع لاعبين كبار”.
وتابع:”جوميز ضيع65 دقيقه من المباراة بدون استفادة، ابدأ بالاساسين وبعدها امنح الشباب علشان متخلصش عليهم”.
واضاف عبد اللطيف:” انا الزمالك عاوز اكسب، المفروض ألاعب الخبرات لحين الفوز، جوميز بدأ غلط فكانت النتيجة غلط، مش كل مره هتمشي معك تلعب 5 ناشئين وبعدين اللاعبين الاساسين ينزلوا وتكسب”.
وشدد: “في ألغاز كرويه بتحصل انا مش فاهمها، وزعلان طبعا انت وضعك وحش في الجدول، انما تجرب لي كل شويه مفيش مدرب يغير 8 لعيبه، انت بتحرق اللاعبين الصغار حرام عليك”.
وأختتم:” خليك معتمد على الاساسين متعاندش ومعرفش في دماغه ايه، اللاعبين الصغار مش وحشه لكن بتحملهم النتيجه، وهم محتاجين وقت، اكثر لاعب عجبني محمد السيد عنده شخصية لاعب كره والبافي محتاج وقت”.
