وجه أيمن يونس، لاعب الزمالك السابق، نصيحة هامة لمجلس إدارة الفارس الأبيض بعد إنتهاء الأزمة مع رابطة الأندية، وطالبهم برحيل 3 لاعبين.
وقال يونس، خلال مداخلة هاتفية ببرنامج “زملكاوي”، عبر قناة “الزمالك”:” هو انا اطلع بيان قبل ما اقعد مع الرابطه ولا بعدها، المفروض اقعد معهم الاول واتناقش، الموسم ضال وضايع مننا، نحن لسنا في حالة عداء مع احد، ولابد ان يكون هناك جزء سياسي في الموضوع”.
وأضاف:” مش عاوزين نأجل الدوري وقت الاوليمبياد، حتى لوهيأخد 7 لاعبين من الزمالك، مش ناقصين تأخير وهنقعد نعاند في بعض عاوزين نخلص من الموسم ده”.
وشدد يونس: “عندنا حلين لنقعد نندب لاما نجهز للمستقبل، زي ما يجيبوا 2 من الزمالك والاهلي ويردحوا لبعض عبر القنوات، ودلوقتي جايبين حكام ودي حاجه متكسبناش حاجه”.
وأشار:” نصيحة للادارة لا نلتفت لكل السلبيات وموسم وانتهى، هم واخدين نادي عليه مديونيات وتحديات كبيره امامهم، ياجماعه نعطيهم فرصه هل مجلس حسين لا يستحق فرصه بعد كل اللي بيعملوه”.
وأختتم:” المفروض الإدارة ترمي ورا ضهرها، واحنا مش اجمد ناس، وتركز في الموسم الجديد، عندنا 3 افارقه ملهمش لزمه ولازم يمشوا، وفي 3 او4 لاعبين آخرين لايليقوا بالزمالك، والتركيز مهم المرحله القادمة”.
