شن حمادة عبد اللطيف، نجم الزمالك السابق، هجوم قوي على لاعبي الفريق، بعد التعادل أمام فاركو، ضمن منافسات بطولة الدوري المصري.
وقال عبد اللطيف خلال تصريحات تليفزيونية عبر قناة “الزمالك”:” اليوم أمام فاركو الكرة الجماعية اختفت والدافع والروح غير موجودين، انت الزمالك حتى لو لا تنافس على الدوري لازم تلعب وتأدي”.
وأضاف: “الزمالك لايستحق الفوز والنتيجه عادلة، ولم نستفد بكم الركنيات والكرات العرضيه، والتغيبرات عشوائية، لايوجد اي اداء او ايجابيه وهناك سلبيات كثيره خسرت نقطتين والاداء سيئ، احنا الزمالك عيب يكون في يوم حلو ويوم مر، كل شويه بتخسر نقاط، ده مش وضع الزمالك”.
وشدد عبد اللطيف:” انت بتلعب بدون ضغوط حتى الجمهور غائب، فالاداء سيئ ومينفعش احنا الزمالك والتكاسل والدلع كفايه المركز اللي الفريق فيه، هتكسب ازاي ومفيش اداء وروح وكل ماتش اكسب وبعدها واتعادل واخسر نقاط وقت الجد مش هنسكت للاعبين”.
وأشار: “من بداية الموسم الفريق نتائجه سيئه ومتقوليش اخدت الكونفدراليه ده لا اداء الزمالك ولا ترتيبه في الجدول انت بتلعب على الكيف كأنك في دوره، ومادام احنا بعيد نطلع المركز الـ8 لا ده احنا الزمالك”.
وواصل عبد اللطيف:” من ايام ارسوريو الفريق ادائه ونتائجه متراجعه، ومتقوليش كسبت بطولة لا عاوز اكسب بطولة واثنين وثلاثة، الكلام ده مينفعش ولازم الادارة واللعيبه تراجع النتائج السيئه اللي بتحصل ونشوف مين السبب سواء اللعيبه او المدرب ويكون في عقاب”.
وأختتم: “المفروض انت الزمالك حتى احسن وضعي اصالح جمهوري واقولهم اسفين على الاقل ندخل المربع الذهبي لازم اللعيبه تفوق والاداره تشوف العيب فين”.
