شن حمادة عبداللطيف، نجم الزمالك السابق، هجوم قوي على البرتغالي جوزيه جوميز، المدير الفني للفريق الأول لكرة القدم بالنادي، بعد الخسارة أمام المقاولون العرب في الدوري.
وقال عبد اللطيف، خلال تصريحات تليفزيونية عبر قناة “الزمالك”: “كفايه تجارب وخسائر واللاعب الكويس بيبان من اول ماتش، هذه ثامن هزيمه للفريق هذا الموسم، وهذا لايليق، جرب بس شارك بالاساسين”.
وتابع:” كل الانديه بتلعب وهناك ضغط مباريات، انت مغير 8 لعيبه مفيش تجانس، واخطاء ساذجه، انتم بتلعبوا في الزمالك ولازم تحافظوا عليه، كان لازم رفاغي يرجع الكرة اقوى، هدف عنتر مفيش ضغط، انت خايف من ايه؟،
مش عيب اجرب بس اكسب، ولازم تحافظ على الهوية الزملكاويه وتفنش في مركز متقدم”.
وشدد عبد اللطيف: “المشكله من بعد الكونفدراليه بقى كل شئ مباح، المفروض ابني على البطولة ، هات لي من اول الدوري4 مباريات كسبناهم ورا بعض، جرب لكن متخسرش”
وأردف: “الزمالك استحق الخسارة ومفيش استفاده، ومش كل شويه يقول انا بجرب، لا انا الزمالك عاوز اكسب واحسن وضعي في الجدول، التجارب تكررت وبتخسر معنى كده الطريقة مش كويسه، واخلي اساسين بدلاء، جرب يا سيدي لكن متخسرش”.
وأتم:” بعد الزمالك ماكان بيكسب 11 ماتش متتالي والناس تزعل لوخسر بقى اي حد وضعه مش كويس في الجدول يجي يكسب الزمالك وتقولي بجرب”.
