أكد البرتغالي جوزيه جوميز المدير الفني للفريق الأول لكرة القدم في نادي الزمالك أنه يرغب في منح اللاعبين الشباب والناشئين داخل القلعة البيضاء خلال المباريات المتبقية في بطولة الدوري.
حيث تعادل الفريق الأول لكرة القدم في نادي الزمالك بدون أهداف مع بلدية المحلة في المباراة التي أقيمت بينهما اليوم بإستاد القاهرة الدولي، في اللقاء المؤجل من الجولة السابعة عشرة لمسابقة الدوري الممتاز، ليرفع الأبيض رصيده إلى 45 نقطة .
وبسؤاله هل تعتبر المباريات الجايه ودية؟، رد “جوميز” ” لا مش مباريات ودية لكن انت قدام خيارات تدي فرصه أو لا متديش فرصه”.
وأضاف ” جوميز” في المؤتمر الصحفي بعد مباراة بلدية المحلة :” أنت محتاج تشوف اللعيبة دي في الملعب ولو بدأنا باللعيبة الكبار أنت متقدرش تغير غير 5 بس ومتعرفشي أحداث المباراة تديك الفرصة دي”.
وتابع :” أنا عارف ان الكلام ده ميبقاش مقبول لما مش بنكسب وانت لو زعلان أنا زعلان اكتر منك من النتيجة وانا واثق ان اللعيبة دي عندها افضل من اللي قدمته”.
وبسؤاله ليه بيحصل روتيشن بعدد كبير اوي؟، رد ” جوميز” :” في النهاية هي نفس الإجابة أنا مينفعش اريح شويه واسيب شويه أنا بدي فرصه للعيبه تريح والاحسن اني ادي اللعيبه الشباب وقت ولو معرفوش يحلوا كل المشاكل أستعين بالكبار كحل ينزلوا يعملوا كده”.
بتلك النتيجة صعد الزمالك للمركز الخامس في سلم ترتيب الدوري المصري برصيد 45 نقطة، حصدهم من 26 مباراة، إذ حقق الفوز في 13 مباراة وتعادل في 6 وخسر 7 مباريات، كما سجل لاعبوه 40 هدفًا واستقبلت شباكه 26 هدفا.
