“همشى أكلم نفسي” .. تعليق ناري من إبراهيم فايق على قرار اتحاد الكرة بشأن مباريات الدوري – فيديو

علق الإعلامي إبراهيم فايق على قرار اتحاد الكرة المصري بعقد جلسة بين لجنة الحكام ومخرجي مباريات الدوري بشأن تجنب الزوايا الخادعة في التصوير وتطوير إخراج المباريات.

وكان الاتحاد المصري لكرة القدم كشف أنه تقرر عقد اجتماع بين لجنة الحكام بالاتحاد المصري لكرة القدم والحكام ومخرجي ومصوري التليفزيون المصري، من أجل التنسيق بشأن التفاصيل المتعلقة بزوايا التصوير خلال المباريات.

وقال ” فايق” :” فيما يخص خبر اتحاد الكرة عن عقد جلسة بين لجنة الحكام ومخرجي المباريات، انا حاسس ان الدوري بيبدأ مش بينتهى .. انتوا عايزين مننا ايه !!” .

وأضاف ” فايق” خلال تقديمه حلقة جديدة من برنامج “الكورة مع فايق” على قناة ” MBC” مصر 2 :” انا همشى انكش شعرى واكلم نفسي.. الدوري خلص يا جماعة احنا في الأسبوع الـ 31 ولسه مكتشفين دلوقتي ان عندنا مشكلة في زوايا التصوير”.

وتابع :” تحس من الخبر اننا جامدين قوي اننا هنخلي لجنة الحكام تقعد مع المخرجين .. احنا اكتشفنا فجأة اننا هنشتغل على تطوير الإخراج مع الحكام .. انتوا بتعملوا معانا كده ليه.. الكلام ده بيتعمل قبل الدوري يبدأ والتجهيز للموسم”.

وأختتم ” فايق” :” فيه حاجات بتكون قلتها أحسن، أنت لو عملت الاجتماع ده من غير بيان هيكون احسن”

شاهد: