أشاد الإعلامي سيف زاهر ، بروح لاعبي المنتخب الأولمبي امام باراجواي في أولمبياد باريس .
وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية : حمزة علاء ساب كل الفرحة وقال لزيزو انت احسن لعيب في مصر ، قالوله إزاي ياحمزة مينفعش دا زملكاوي .
وأشار : احنا بنهزر فعلا ، دي كوميديا ، مش معقوله كدا انا تعبت ، انتوا مببتعبوش حمزة علاء بيشد من ازر نجم مصر زيزو.
وشدد : تعبنا بقي وابوس أيديكم كفاية هبد واي كلام.
وأكد : حمزة علاء يقف في الأهلي إزاي ، الشناوي في حته تانيه وشوبير مدغدغ الدنيا ، وحمزة علاء عالمي مدغدغ الدنيا في الأولمبياد ومحدش ظلمه لأن الأهلي عنده أفضل 3 حراس في مصر وشغل عالمي في الأهلي.
واستمر : زيزو نفسه خاف على الواد وقاله هتروح في داهية ، هما مين دول وليه مرخمين علينا كدا ، دا منتخب مصر مدغدغ الدنيا.
وتابع : حمزة شد مع حسام عبدالمجيد لحظة ، بس شوفت حمزة بعد ثانية هو وحسام بيبوسوا بعض
وقال : مصر عملت ريمونتادا إمبارح تستاهل الأوسكار ، الرجالة إمبارح قالت مش هنطلع من الملعب غير واحنا كسبانين.
وأتم : أسيست زيزو معمول زي مايكون دليفري رايح بالمقاس.
شاهد الفيديو
