كشف احمد سالم، المتحدث الرسمي للزمالك، عن تفكير مجلس الإدارة بشأن أزمة إيقاف القيد والصفقات الجديدة.
وقال سالم خلال تصريحات تليفزيونية عبر قناة “الشمس”:” في يناير كان نفس القلق الصحي من الجمهور ونفس الوضع وفين فك القيد وفين الصفقات، وحققنا صفقات ناجحه ولما نجيب عبدالله السعيد وناصر ماهر واحمد حمدي ومحمد شحاته اللي تم تفعيل عقده بالشراء بعد مستواه”.
واردف؛” لما تحيب 8 او9 وارد منهم ميوفقش معنا، والصفقات كان منها اعارات، ولم يوفق، مثل ياسر حمد، بتحصلفي اي مكان، بلاش نشيطن الامور ونقول في فساد الوضع الحالي لا يحتمل الكلام ده”.
وتابع سالم:” الناس تقول ملناش دعوة عازوين صفقات، والناس تتصرف، النادي كان مديون وقت ما المجلس استلم حتى لو مديون مابعد ذلك بـ6 مليون دولار، الامور الماليه خلال التسع شهور الماضية في منتهى الصعوبه، كل لما بيجي عائد بتلاقي غرامات وديون ومش بتفيد الفريق”.
وأشار: “الوضع الحالي اللي يهم الجمهور بشأن الصفقات وإيقاف القيد، في حاجه اسمها فقه الاولويات في حال الزمالك عندك وراد وصادر، اي عائد بتسأل نفسك ابدأ بأيه هل بمسحقات لعيبه علشان داخلين على سوبر واللعيبه دي تعبت معك، ولا اشتري لعيبه واسيب دول ولا افك القيد ولا ادفع المستحقات”.
وواصل سالم:” وهل لما افك القيد عندي تمويل لصفقات سوبر، كل ده بيدرس، ومش بنقول زي زمان انا بتفاوض مع رونالدو وبعدها ندخل في قضايا انسوا كل ده”.
واستطرد: “الامور بتدار بهدوء، وده اللي عامل غيظ عند الاعلامين، مش عارف يخترق ولاقادر يوصل الناس بتفكر ازاي”.
وأختتم:” وكل مايفكر فيه الجمهور موجود في عقل المجلس ومحدش هيطلع يقول بتفكر في ايه، مش من حق حد يقول ورينا العقد في جهات رقابيه بتابع واللي عاوز يشوف العقود في محكمه يبقى يشوفه فيها”.
شاهد:
