“أنا رجل حر و اتربينا على كده”.. رد ناري من أمير عزمي على جماهير الأهلي بعد دفاعه عن الشيبي – فيديو
رد أمير عزمي مجاهد مدرب عام نادي الزمالك السابق على رد فعل جماهير الأهلي بعد تصريحاته بشأن أزمة حسين الشحات و محمد الشيبي ودفاعة عن زهير بيراميدز.
وكان أمير عزمي قد أثار حالة من الجدل بعد تصريحاته عن واقعة تدخل الشيبي على حسين الشحات خلال مباراة الأهلي وبيراميدز الأخيرة قائلا :” لو أنا حصل معي هذا الموقف واتحاد الكرة لم يأخذ لي حقي، والله العظيم ما أطلعه من الملعب”.
وقال “أمير” :” المشكلة الناس عندنا لو أنا اتكلمت على لاعب في الأهلي هتقول بيقول كده عشان هو زملكاوي، لكن أنا راجل حر بقول اللى انا شايفه، أنا اتكلمت وقولت إني صد إن لاعب يلعب بعنف”.
وأشار :” فيه إتنين فنايين كبار وهما محمد رمضان وعمر دياب كان ليهم موقف مشابه وهو صفع الجماهير، في واقعة الفنان عمرو دياب ناس قالت مينفعش اللى حصل وناس قالت اللي اضرب كان لازم يرد الصفعة”.
وأضاف ” أمير” خلال استضافته في برنامج ” الهداف” على قناة ” أون تايم سبورتس 2 “:” في واقعة الفنان محمد رمضان الناس قالت الشاب اللي رد الصفعة لـ محمد رمضان عنده حق”.
وكان الفنان محمد رمضان قد أثار حالة من الجدل بعد انتشار فيديو له، أثناء شجاره مع أحد المعجبين وتطور الأمور للصفع على وجهه ليفاجئ الشاب الفنان برد الصفعة .
وأكد ” أمير” :” أنا معنديش أزمة مع حسين الشحات ولا أنا محامي الشيبي وفي الأول وفي احنا اتربينا على كده، لكن أنا عايز اعرف رأي أي واحد من الناس اللي شتموني لو خد قلم من أي حد رد فعله هيكون عامل إزاي”.
وأختتم ” أمير” : “انت لما بتدى غرامة للاعب تطاول على لاعب 20 ألف جنيه تمن جزمة كورة حاليا، لكن إحنا حاليا عندنا أزمة في وجود لوائح هشة”.
شاهد:
