إحنا مش زي ناس بتمسك مناصب كتير !! ابراهيم حسن يطلق تصريحات قوية بعد الهجوم ضده !! – فيديو

ابدي ابراهيم حسن مدير منتخب مصر ، استيائه بعد الهجوم ضد الجهاز الفني بسبب عدم حضور بعض المباريات .

وقال ابراهيم حسن في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : لما حضرنا دورة الترقي الناس كانت زعلانه ، احنا مش عاوزين حد يقولنا نعمل ايه، مش لازم اقولك إيه المنظومة اللى شغالين بيها.

وزاد : إحنا مش من النوع اللى بيمسك كذا منصب ، يعني مكونش عضو مجلس إدارة ومدرب واعلامي ، احنا متفرغين للمنتخب.

وأكد : ظروف الدوري ، بتجبر اللعيبة يحصلها دروب.

وتابع : أول مرة كوكا وإبراهيم عادل دخلوا المنتخب كانوا مع حسام حسن.

وزاد : فيه لعيبة طالعه ومع المنتخب الأولمبي فيه لعيبة كويسة، شايف إن فيه إضافة كبيرة للمنتخب الأول الفترة الجاية، اتكلمت مع محمد بركات وبلغته ان حسام حسن متابع كل اللاعبين.

وأكد : السوبر المصري من يوم 1 لحد 4 علشان بعدها اللعيبة تكون موجودة يوم 5 الصبح في معسكر المنتخب علشان نعمل شغلنا.

وشدد : اتمني يكون عندنا دوري زي باقي الدوريات بالنسبة للمواعيد ونحافظ على لعيبتنا ونحميهم من الضغوط.

وزاد : نقدر نروح لحته بعيده وناخد بطولات زي ما عملنا قبل كدا مع الجوهري وشحاتة ، ودايما المصريين اللى بيعملوا الانجازات مش الاجانب.

واستمر : الدنيا اختلفت حاليا والمنتخبات بقت اقوي من الأول ، مفيش حاجه اسمها كأس العالم مفروغ منها ، الموضوع مش سهل ، لسه هنلاعب منتخبات قوية.

وقال : في ناس زعلوا إن مفيش موضوع أو مشكلة بين حسام وإبراهيم مع محمد صلاح، صلاح لعيب ذكي جدا ، عنده عقلية لعيب محترف وعارف هو عاوز إيه ، شخصيته مع المجموعة بتدي حاجه كويسه جدا.

وشدد : مفيش اي حاجه حصلت مع محمد صلاح ، في شياطين في الإعلام حاولوا يعملوا مشكلة لكن مفيش اي حاجه.

وأتم : النني لعيب كبير واسم كبير وعنده إرادة ، أول ما مسكنا اتصلت بالنني قلتله انت مش موجود دلوقتي لكن هتبقي موجود قدام ، وأنا مقدرش اقول احتياجات حسام حسن في المكان دا ايه.

شاهد الفيديو