![اسلام صادق يفجر مفاجأة عن تفاصيل جلسة زيزو مع مسئولي الزمالك !! - فيديو 1 اسلام صادق يفجر مفاجأة عن تفاصيل جلسة زيزو مع مسئولي الزمالك !! - فيديو](https://zamalek.news/wp-content/uploads/2024/08/Screenshot_٢٠٢٤-٠٨-٢٢-٠١-٣٣-٤٠-١١_f9ee0578fe1cc94de7482bd41accb329.jpg)
فجر الإعلامي إسلام صادق ، مفاجأة من العيار الثقيل ، بعدما أكد عدم توصل إدارة الزمالك لاتفاق مع احمد مصطفي زيزو لاعب خط وسط الفريق ، على عكس ما تردد مؤخرا .
وقال اسلام صادق مقدم برنامج البريمو عبر شاشة قناة TEN الفضائية : كل اللى اتقال إن زيزو اتفق مع الزمالك على التجديد مش صحيح وكلام سوشيال ميديا.
وأكد : كان في جلسة بين المندوة وزيزو ووالده ، وحسين لبيب اعتذر عن الجلسة لمرضه.
وزاد : حسام المندوة بلغ زيزو ووالده ان الزمالك متمسك ببقاء اللاعب و بيرفض رحيله، وتم الاتفاق على تحديد جلسة تانيه للاتفاق على التجديد.
وشدد : الجلسة التانية كانت في منزل احمد سليمان عضو مجلس إدارة نادي الزمالك، وخلال الجلسة موصلش لاتفاق زي ما اتقال.
واستمر : احمد زيزو جايله 150 مليون جنية في السنة وبياخد في الزمالك 20 مليون جنية فقط ، هل هيضحي بكل الفلوس دي ؟؟
وقال : مجلس الزمالك ميقدرش يقول للجمهور ان مش هيقدر يجدد لزيزو بالارقام دي ، خصوصا بعد الجمهور ما طلع قال حسين يا لبيب زيزو ب100 لعيب.
وأتم : وزيزو ميقدرش يقول للجمهور انا عاوز امشي.
شاهد الفيديو