” العيب مش عندهم”.. فايق يدافع عن لاعبى المنتخب الأولمبي ويفضح عشوائية المنظومة الرياضية – صورة

علق الإعلامي إبراهيم فايق على خسارة المنتخب الأولمبي الكبيرة أمام نظيره المغربي في مباراة تحديد المركز الثالث ضمن منافسات أولمبياد باريس 2024.

حيث تلقى المنتخب الوطني الأولمبي هزيمة كبيرة أمام نظيره المغربي بنتيجة 6-0، في المباراة التي جمعت المنتخبين مساء اليوم، الخميس، على ملعب لا البوجوار، في مباراة تحديد المركز الثالث والميدالية البرونزية في منافسات كرة القدم بدورة الألعاب الأولمبية «باريس 2024».

وكتب ” فايق” عبر حسابة الرسمي على منصة ” إكس” :” خسارة كارثية.. فرق واضح في كل حاجة.. احنا ناس بنشتغل اليوم بيومه.. ارزقية على باب الله.. بنفرح باليومية اللي نخدها وبنكسل نشتغل تاني يوم.. ما هي بتيجي بالجدعنة والفهلوة.. أخطط ليه وارتب ليه واشتغل قبلها بسنين؟!!”.

أشار :” دي أقصى حاجة ممكن تتعمل في حالة اللاتخطيط دي.. جهود فردية من اللعيبة أحيانا.. رغبة تزيد وتقل.. نجاح مدرب بشكل أحادي جدا في ظل مقاومة لكل طلباته.. يعني إنت في حالة العبث دي اخدت كل حاجة تقدر تاخدها.”.

وأضاف ” فايق” :” مستحيل تقدر تنافس المنظومة الجماعية اللي عندها خطة وأهداف واضحة وشكل ونشأة معينة بيوصل أعلى رتم فيها في البطولات الكبيرة عشان كده بكل تقدير ببارك للمنتخب المغربي.. حقهم وعن جدارة”.

وواصل : ” واحنا خلينا واقعيين مش هيبقى معندناش ونتساوى باللي اجتهد ونظم ورتب لنفسه من سنين.. حزين علشان اللاعيبه بتاعة منتخب مصر الأوليمبي دي والجهاز تعبوا جدا وكانوا يستحقوا ختام أفضل بس مستوعب أنهم اشتغلوا في لا منظومة موجودة من زمان بلا أي نظام.. فالعيب مش هيبقى عندهم أبدا”.