امام عاشور موقفه زي فتوح ؟؟ رد ناري من أحمد سالم على هجوم جمهور الأهلي !! – فيديو
استنكر احمد سالم المتحدث الرسمي بإسم مجلس إدارة نادي الزمالك ، تحريف تصريحاته حول ، مقارنته موقف قضية احمد فتوح باللاعب امام عاشور لاعب الأهلي .
وقال احمد سالم في تصريحات عبر برنامجه تحت الشمس المذاع عبر شاشة قناة الشمس : اتقال انت بتقارن بين امام عاشور وفتوح ، مفهمتش إزاي وايه علاقة امام عاشور بالقصة هو ما عملش حادثه ، قلت يمكن حد يكون قص فيديو في مداخلة ليا مع كابتن مع مجدي عبدالغني.
وزاد : اللى حصل مع كابتن مجدي عبدالغني ، اتصل بيا اعداد برنامجه ، كنت منتظر المداخلة مع كابتن مجدي على الخط ، فبيتكلم على فتوح وبيقول الأهلي بس اللى بيسيطر على لعيبته.
وأكد : قلتله ياكابتن مجدي حضرتك بتقول ان الأهلي فقط اللى بيسيطر على لعيتته، قلتله تعليقا على كلامك صعب حد يسيطر على اللعيبة جوا الملعب وبرا.
وشدد : فيما خارج الملعب فيه طبعا رقابة ، لكن متقدرش تعمل كدا بشكل مطلق ، قلتله الأهلي نادي كبير ومحترم ، لكن حصل قبل كدا مشادات ومشاجرات خارج الملعب.
وزاد : مثلا عماد متعب كان له مشاجرة قبل كدا مش معناه إنه وحش ، أي حد ممكن يتعرض للموقف دا ، الغرض من الكلام ان صعب حد يسيطر على لعيبته برا الملعب.
وتابع : مبحبش فكرة معادات المنافس ، الرياضة منافسة شريفة ، وعمري ما تجاوزت.
وأضاف : دايما بقول بص في ورقتك ، مش مقتنع بمدرسة اكسر فيك علشان ابقي بطل.
واستكمل : حتي الكلام على مجاملات التحكيم دايما بحاول ابعد عنها علشان مبقاش بتحجج بحاجه.
وأتم : عيب اوي نسيب روح بني أدم وضياع مستقبل واحد تاني ونتكلم على موضوع مقارنة ونتكلم دخلنا امام عاشور في الموضوع ولا لا.
شاهد الفيديو
