“انا مش بتاع مشاهدات”.. رد ناري من أحمد حسن على هجوم إبراهيم حسن ضده !! – فيدبو

رد أحمد حسن، لاعب الأهلي السابق، ومقدم البرامج الحالي، على هجوم إبراهيم حسن مدير منتخب مصر، ضده بسبب إنتقاده للجهاز الفني للفراعنة.

وقال حسن خلال تصريحات تليفزيونية ببرنامج “الكابتن”، عبر قناة”dmc”:” انا اتكلمت الاسبوع الماضي على ماتش الاهلي وبيراميدز وان الفريقين الاهم حاليا في الدوري، ولفت نظري ان الجهاز الفني لمنتخب مصر غير متواجد في المباريات الكبيره وبقول وجهة نظري مفيش انتقاد”.

واضاف: “كابتن إبراهيم حسن عمل مداخله مع سيف زاهر اول حاجه قالها الناس بتهاجم المنتخب واتكلم عليا شخصيا قال احمد حسن عاوز يعلي المشاهده، لو انا مش هكلم على المنتخب المصري هكلم على مين؟، الغريب اللي انا مش فاهمه هل انا انتقدتك لشخصك؟، ولا بقول وجهة نظر وبيقول في هجوم انا عاوز اعرف فين الهجوم”.

وتابع حسن:” هل ياكابتن ابراهيم علشان اكلم على المنتخب اخد الاذن منك؟ او اقدم طلب لاتحاد الكرة علشان اتكلم طالما ما اسائتش لك فمن حقي اتكلم”.

وواصل: كابتن إبراهيم قال احنا بنتابع وبنشوف من خلال الشاشه، هلفت نظر كابتن ابراهيم لحاجه المتابعه في التليفزيون غير الملعب ومحللين الاداء كلهم بيتابعوا من الملعب علشان يشوفوا اللاعبين بشكل اوضح”.

وشدد حسن: “طول الوقت في مشكله عند كابتن ابراهيم واللي يقول وجهة نظره يبقي ضدهم وبيهاجم وانهم مش عاوزين ينجحوهم، والمسأله بقت صعبه جدا، علاقتي جيده بهم وكنت من فترة قليله مع كابتن حسام وتكلمنا وتناقشنا، ومعنديش ازمه معك علشان تطلع تعمل مداخله علشان تقول ان بادور على مشاهدات احنا تاريخنا كبير”.

وأختتم:” وكابتن ابراهيم لازم يذكر الناس دائما واحنا وتاريخنا وعملنا و نص تاريخ بطولات مصر على يد الكابتن حسام حسن، ولو هي بتمشي كده يبقى أنا حققت ثلثين نجاحات منتخب مصر، وكمان كنت مؤثر في الـ 4 بطولات، وأنا أحد قادة منتخب مصر التاريخيين، لو هي بتمشي بالأرقام دي، وبتقول علشان اعلي المشاهدات والتريند الحمدلله احنا مش بنعمل كده وأتأكد من اللي بيوصلك واسالني”.
شاهد:
https://youtu.be/uPH9VjAeQX4?si=Dv_UqJqQXnk9RxeT