كشف أحمد سالم، المتحدث الرسمي للزمالك، القصة الكاملة في عقد جمال موتيابا لاعب الفريق السابق، بعد فسخ نعاقد، وسبب إثارة الجدل وهل هو إعارة أم بيع نهائي.
وقال سالم خلال تصريحات تليفزيونية عبر قناة “الشمس”:” ايه اللي مزعل الناس في موضوع موتيابا، هل موهبة فذة وعاوزين تصبروا عليه ده راي فني ممكن اتقبله، لكن حتة انك ضحكت علينا وعقده كان 4 سنين ونصف وطلع اعارة، حضرتك المفروض تزعل من العكس، ان انا قولتك انه اعارة واتورطت فيه وهو شراء ممكن يبقى فساد، لكن هو اعاره مزعلك في ايه؟ “.
وتابع:” سياسة اعارة اللاعبين في العالم هي الاساس، نادرًا
لو نادي بيشتري لاعب خاصة لو جاي من اجواء مختلفة، مثل ماحدث مع مصطفى محمد تمت استعارته وبعد التأقلم تم شراء عقده، انما اشتري لاعب من أجواء مختلفه ممكن ميأقلمش معك”.
وأردف سالم: “الزمالك سعى لصفقات في يناير معظمها اعارة، موتيابا كان لاعب حُر والوكيل طلب رقم كبير، واتفقنا ناخده اعارة، بقيمة 30 الف دولار، واخد مليون و600 الف جنيه وليس دولار ميجيش رقم ناشئ، وكان له 700 الف جنيه وقعدنا معه هو والمسئولين عنه وانهينا الامر باحترام”.
وشدد:” كان في شرط في عقد موتيابا مع الزمالك إنه لو حجز مكان اساسي في التشكيل واثبت نفسه ندفع 200 الف دولار للجهه المسئولة عن موتيابا، وعندنا توقيعه 4 سننين ونصف وبيبقى بيع نهائي، فين شبهة احتماليه الغلط والفساد؟ “.
واشار سالم:”استطلعنا راي جوميز في موتيابا، وقال هو لاعب كويس بس عندي بدائل اخرى في مركزه وناشئين محتاج اشوفهم، وتم تسويه الامر معه وانهاء العقد”.
وأكمل:” فين الفساد علشان اعلامي وجروبات على السوشيال ميديا تتهم ناس بالفساد علشان ادفع للاعب دولي 30 الف دولار فقط، ومبيجبوش سيرة سامسون او نداي او خالد بوطيب اللي عقودهم بملايين الدولارت، بينا وببثكم القانون”.
وأستانف:” شائعة أخرى عن عقد زياد كمال، عقود شراء اللاعبين في اخر سنتين بـ30 و40 مليون ولم يوفقوا وبيكونوا عبء على النادي، وممكن زياد كمال عقده مستحدث في الرياضه المصريه “.
وأختتم:” موقف اللاعبين معلق ليوم 17 اغسطس، جوميز عنده40 لاعب ولازم يقعد يشوف محتاج مين ومين لا، وكل مايثار عن تجديد س اورحيل ص هو من نسج خيال المؤلف”.
شاهد:
