ابدي عامر حسين عضو اتحاد الكرة المصري ، عدم رضاه عن الهجوم ضده بسبب تنظيم جدول بطولة الدوري المصري والتأجيلات العديدة مما هدد مصير بطولة كأس مصر .
وقال عامر حسين في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر :الناس زعلانه من ضغط المباريات ؟ طب ما انا زعلان برده ، زعلان ليه ؟ زعلان علشان الناس زعلانه.
وأشار : احنا قلنا الحل اكتر من مره ومحدش سمع الكلام لازم نعمل موسم مختلف.
وواصل : كابتن ايمن الرمادي زعلان ؟ طب هو مرهق يعني ولا ايه ؟ هو ملعبش بقاله فترة ، كابتن ايمن دايما بيشكر في الامارات وبيهاجم الدوري المصري .
واستمر : هو الدوري الإماراتي فيها كام نادي ؟؟ 12 نادي فقط ومفيش هناك فريق بيلعب كم المباريات اللى بيلعبها الأهلي.
وأكد : لما تقول معلومة قولها كاملة ، ولما تهاجم قول حلول ، مش لما تكسب نبقي حلويين ولما تخسر تهاجمنا.
وشدد : هي الأندية كانت هتكسب بطولات أفريقيا إزاي ؟ وكمان المنتخب الأولمبي يقدم النجاحات دي لولا نظام إدارة المباريات.
وتسائل : هل امنع الأهلي إنه يشارك في البطولات ؟ ولا اقول للزمالك والأهلي اطلعوا بدري من البطولات زي باقي الأندية ؟
وأتم : لما طلبنا من الأندية نقلل عدد المباريات قالوا لنا عندنا عقود ورعايات.
شاهد الفيديو
