بلاش فهلوه !! رد ناري من الرمادي على هجوم عامر حسين !! ويفتح النار على نظام المسابقات !! – فيديو

شن ايمن الرمادي مدرب سيراميكا كليوباترا هجوما على عامر حسين رئيس لجنة المسابقات ، بعد هجومه عليه مؤخرا ورفضه هجوم مدرب سيراميكا على مواعيد المباريات .

وقال ايمن الرمادي في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : الموسم طال جدا ، لازم ياجماعة محدش يعلن عن جدول مسابقة ب3 او 4 ايام ، نفس الموضوع حصل في الدوري.

وشدد : لاحظت حاجه في مصر غريبه جدا ، لما تيجي تنصح وتصحح حاجه الناس تيجي تاخد الموضوع بشكل شخصي.

وزاد : احنا اللى عملنا الدول العربية يعني إيه ، كورة وادارة ، مفيش حاجه اسمها في الكرة دي الظروف ، الكلام دا مينفعش ، عاوز تقول دا المتاح والموجود انت حر ، لكن الناس شايفه عكس كدا.

وأكد : العملية مش تحدي ولا موضوع شخصي وعلى راسنا من فوق ، لكن احنا بننتقد عمل يضيع الناس.

وشدد : المدربين كلها اتكلمت وعامر حسين ممسكش غير في ايمن الرمادي ، ما ياسيدي فيه الدوري الانجليزي والدوريات التانيه فيها 20 فريق وفيه 5 بطولات.

وتابع : انا مش بنتقدك انا بنتقد عملك ، محدش في التاريخ يقول هروح اسهر على الجدول ، مكانش ينفع عامر حسين قال كذا وعاد كذا احنا سننا قريب من بعض كان لازم تحترمني زي ما بحترمك.

وأشار : الحاج عامر عاوزه لما يجوا يجتمعوا مينفعش يقول هسهر على الجدول ، لأن معاه لجنة المفروض بيتناقشوا والمفروض فيه متخصصين بيناقشوا صحة اللاعبين ، مينفعش الدنيا تمشي بالفهلوه.

وقال : المنتخب الأولمبي قدم مستويات كويسه لكن دا بفضل ربنا محدش يفتكر إن له فضل ، انا دايما بقول اللاعب المصري الأفضل وبعده المغربي.

وأتم : لا تلوم الا نفسك ، تحمل نتيجة عملك.

شاهد الفيديو