“بيعاند في مين “.. هجوم قوي من مدرب الزمالك السابق على جوميز بعد الخسارة أمام طلائع الجيش – فيديو
انتقد محمد صلاح، مدرب الزمالك السابق، البرتغالي جوميز المدير الفني لفريق، بعد الأداء الذي ظهر به الفريق أمام طلائع الجيش في المباراة التي خسرها الفارس الأبيض بنتيجة 3/1 في بطولة الدوري المصري الممتاز.
وقال صلاح، خلال مداخلة هاتفية ببرنامج “الماتش”، على قناة” صدى البلد”: “جوميز عاوز ايه مش عارف؟، هل هو عاوز يخسر؟ استحاله يكون في مدرب عاوز يخسر، انت بتعاند مع مين؟، لو بتعمل روتيشين، في لعيبه عندك ملعبوش من صفقات يناير، لو انت عاوز تحط المجلس في موقف صعب وشوفوا اللعيبه اللي انتم جبتوها، مش كده ياحاج”.
وأضاف:” اشدنا بجوميز لما وصلنا للمركز الرابع، 8 ناشئين اول مره يلعبوا مع بعض، لو عاوز يكشف قطاع الناشئين مش هيعمل كده، احنا في الملعب مش عاوز اقول مدرسه، لاقطاع ناشئين، اللي تحت محدش بيعلم، همك تاخد بطولة في الجيزه لكن مبتطلعش لاعب للفريق الاول، ومفيش مقومات عندهم يلعبوا في الزمالك”.
واردف صلاح: “اللعيبه الشباب وهم 2003 و2005 كانوا افضل، ومنهم 3 ممكن يشاركوا مع الفريق الاول، الشناوي حارس كويس، شوف وشه لما الهدف دخل فيه وهو السبب فيه، الشخصيه بتتبني لازم متتهزش
وواصل:” ايه البطئ ده ياسيف ياجعفر، ودورك ايه؟، مفيش تطوير ولا تعليم للناشئين، هتمشي مين اللي عندك، سامسون ونداي وموتيابا وياسر حمد ومحمود علاء، هتجيب لعيبه ولا هتطلع ناشئين مكانهم؟ لازم نتعاقد مع صفقات سوبر للعودة لحصد البطولات”.
وشدد صلاح: “ازاي الزمالك هينافس بالفريق ده الموسم المقبل في امور اداريه، كثيره غير واضحه، لازم نجيب باك ليفت، انت مشيت حاتم سكر ليه؟، لازم حد يقول للجماهير السبب، انت بتمشي باك ومفيش بديله”.
وأختتم:” عيب نقول الزمالك ميلعبش الكأس ونرجع للماضي، لازم يشارك الاساسين، علشان لو المجلس قاله مش عاوز كاس والعب لازم يمشي ، الكاس ده طريقي لبطولة.”.
شاهد:
