حذر طارق مصطفى، المدير الفني لنادي البنك الأهلي، مسئوولي الزمالك بشأن مستقبل الفريق من أجل العودة للمنافسة على البطولات.
وقال مصطفى، خلال مداخلة هاتفية ببرنامج اللعيب عبر قناة”mbc مصر”:”الزمالك في عدم استقرار، البعد عن المنافسه خلى الناس لازم تشتغل لقدام لو الزمالك فضل بالشكل ده هيقعد سنتين ثلاثه كده، لازم تشتغل للمستقبل لانه نادي كبير جدا”.
وتابع بشأن مباراة الأهلي: انا متكلمش عن العداله في حاجه، بتكلم على العداله بشكل عام حتى قولتها في ماتش الزمالك، مبروك للاهلي الدوري، والهدف اتحقق باستمرارنا في الدوري، وبشكر ادارةالنادي على دعمهم رغم عدم التوفيق”.
وأردف مصطفى: “التوفيق غاب عننا فترة وربنا كرمنا في المباريات الاخيره، يعقوبو مكمل معنا الموسم المقبل”.
وأشار:” بصراحه بيراميدز كان بينافس، لكن مباراتين الاهلي كان واضح انه خايف جدا من الاهلي وكان سبب هزيمته”.
وشدد مصطفى:” اسامه فيصل لاعب جيد ودولي من صغره وبيبذل مجهود كبير، واللي زيه مش موجود كثير في مصر، ومبحبش امسك في لاعب لما بيجيلك زمالك او اهلي صعب ترفض لانه مش هيبقى مركز”.
وأكمل: “أسامة من صغره في الزمالك ومتأسس صح واخلاقه عاليه جدا، الراي الاخير للادارة في رحيله، ولكن هو مهم لي فنيا، وكان في كلام من5 او4 شهور من الاهلي مع اللاعب عن طريق وكلاء، ولكن مفيش حاليا لان هو مقاليش”.
وأختتم:” الزمالك اخطأ في التفريط في اسامه فيصل وحسام اشرف واحمد محمود، الزمالك مبيعرفش يطلع اعارات انما الاهلي بيسوق لعيبته بشكل كويس”.
