علق أيمن عبد العزيز، نجم الزمالك الأسبق، علئ فوز الأهلي ببطولة الدوري المصري، ورد عليه سيد عبدالحفيظ، مدير الكرة بالسابق بالنادي الأحمر.
وقال عبدالعزيز، في تصريحات تليفزيونية ببرنامج “اللعيب” عبر قناة”mbc مصر”: “الاهلي فورمة ايه؟، هو فين المنافسه اساسا، ومفيش دوري، وابارك لهم على افريقيا وبرونزيه كأس العالم، لكن الدوري لا، لان مفيش منافسه، طبيعي اي حد بيكسب حاجه بيتعب فيها، وقلت لو الاهلي فاز على بيراميدز هياخد الدوري”.
وتابع:” انا لا اقلل من قيمة الدوري، وانما باكلم في المنافسين، وبكلم انها سنه مفيش فيها حاجه، ولسه الاهلي عنده ماتشات رغم فوزه بالدوري مين هيلعب الـ3 ماتشات”.
وشدد عبد العزيز: “الانجاز الاهلي فاز 20 مباراة متتاليه، لكن مش انه اخد الدوري، لان بيراميدز كان متصدر بسبب غياب الزمالك والاهلي لانشغالهم في افريقيا”.
ومن جانبه رد عبدالحفيظ:” الزمالك لما اخد الدوري سنتين لانه كان يستحق ومكنتش البطولة تافهه ولاضعيفه، واحنا وقعنا في اخطاء وانا كنت موجود وقتها وبقول كان الاهلي عنده اخطاء”!
واشار: “الزمالك خرج من المشهد هذا الموسم، لانه اجبر في امور منها ايقاف القيد، ولكن عنده اخطاء فنيه زي الباك رايت وباك ليفت وصفقات كلها رقم10″.
واختتم:” الدوري مكنش ضعيف ابدا، والاهلي جه من بعيد جدا، هو انت علشان توجه راي عام في القنوات علشان تغير الثقافه، حان الوقت نعطي العيش لخبازه”.
