علق حازم امام محلل قناة اون تايم سبورتس الفضائية ، على تصريحات مارسيل كولر مدرب الأهلي وغضبة من ضغط المباريات .
وقال كولر في تصريحات عبر الاستديو التحليلي لقناة اون تايم سبورتس الفضائية :كولر معاه حق طبعا ، مفيش حد يلعب كل ده ، بس هو ايه اللى وصلنا لكدا ؟ المؤجلات .
وأشار : المؤجلات كتير جدا ، علشان كدا بنقول متأجلش العب في النص مش لازم تاخد 10 أيام بين كل ماتش ، علشان كدا انت اللي بتدفع التمن .
وشدد : الكأس دا كان المفروض يتلعب من شهر مثلا ، كل واحد بيبص أنا عاوز اكسب دلوقتي ومش بيبص لقدام علشان كدا يتراكم عليك قدام .
واتم : بجانب مشكلة الادارات ، اللى بترفض اقتراحات موسم استثنائي ، الرابطة لازم تفرض على الأندية لأن الدنيا بتبوظ والناس بتشتكي.
وانتقد كولر قرار اتحاد الكرة بتحديد موعد مباراة كأس مصر أمام فاركو بدور الـ16 يوم 20 أغسطس، قائلاً: “أسجل استيائي واعتراضي على إعلان موعد مباراة كأس مصر في هذا الوقت، لا يوجد أي تحمل مسؤولية تجاه لاعبي الأهلي أو لاعبي المنتخب”.
وأكمل: “معنى إعلان هذا الموعد أنك تقول للاعبين لا توجد راحة أو إجازة، لاعبو الأهلي سينهون الدوري وبعدها سينضمون إلى المنتخب ومنه سيخرجون للعب في دوري أبطال إفريقيا ثم بعدها السوبر الإفريقي، معنى هذا أن اللاعبين لن يحصلوا على يومين إجازة”.
وأردف: “انتظروا في نوفمبر وديسمبر انهيار كل اللاعبين، سوف يتعرضوا للإصابات، لا أدرى من اتخذ هذا القرار، كيف فكر في ذلك؟، أتمنى منهم أن يكون لديهم بعض المسؤولية”.
شاهد الفيديو
