!["حق الزمالك فين ياكابتن"؟.. رد قوي من حازم إمام على انتقادات جماهير الأبيض - فيديو 1 "حق الزمالك فين ياكابتن"؟.. رد قوي من حازم إمام على انتقادات جماهير الأبيض - فيديو](https://zamalek.news/wp-content/uploads/2024/08/orca-image-1437034649.jpeg)
رد حازم إمام، نجم الزمالك السابق، وعضو اتحاد الكرة الحالي، على انتقادات جماهير الفارس الأبيض له وتكرار سؤاله اين حق الزمالك.
وقال حازم إمام، خلال تصريحات تليفزيونية ببرنامج هاتريك عبر قناة “أون تايم سبورتس2″، ردا على سؤال حق الزمالك فين بشأن المؤجلات والحكام و ما يخص اتحاد الكرة؟:” حق الزمالك في ايه، الاتحاد مسئول فقط عن الكأس والقيد والحكام”.
وتابع:” كان الهجوم شديد علي عصام عبدالفتاح رئيس لجنة الحكام، مع وجود فكرة المؤامرات، قلنا نجيب واحد اجنبي وميعرفش زيد من عبيد ولايعرف حد في لجنة الحكام علشان ميتقالش متوجه، ايوه اكيد في اخطاء”.
واضاف إمام ردا على سؤال هل الأهلي بيجامل؟: “ضغوطات الجماهير قويه على مجالس الإدارة، الزمالك والاهلي بيأخدوا حقهم، التحكيم بيحصل ان الاهلي اخد ضربة جزاء مش من حقه، لكن محدش قاله ظبط الاهلي النهارده، وفي اوقات بتكون للزمالك لكن اكيد في حد اكثر من حد”.
وشدد:” انا محسوب على الزمالك فمش عاوزاتكلم علي الاهلي علشان محدش يقول ده طالع يكلم ضد الأهلي، وانا رجل مسئول حاليا والمفروض متكلمش، وطبعا تأثير الجماهير موجود علي اتحاد الكرة والرابطة”.
شاهد: