شن خالد بيبو مدير الكرة بالنادي الأهلي ، هجوما قويا على الصحفيين ، مؤكدا انه يتم إطلاق شائعات ضده بسبب رفضه إجراء مكالمات هاتفية او الظهور تلفزيونيا.
وقال خالد بيبو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر :فيه كلام بيتقال عكس المنطق ، إزاي يتقال الفرقة فيها مشاكل وانت كسبان 43 ماتش من 60.
وأكد : دا الناس اللى بتخسر محدش بيجيب سيرتها ، شوية صحفيين مستلمني انا ، وإحنا واخدين دوري وأفريقيا وبطولات بتهاحم ويتقال مش مسيطر على الفرقة ، وفي فرق تانية مش بتاخد بطولات وعندها مشاكل قد كدا ومحدش بيجيب سيرتها.
وشدد :مش بيزعلني الكلام اللى بيتقال والاشاعات اللى بتطلع قد ما بيزعلني اللى بيصدق ، المفروض اللاعب لما يغلط أو يتجاوز اضربه يعني ؟ لا في في لائحة بتطبق.
وأشار : معقوله الأهلي ميخسرش ولا ماتش ويقولك أوضة اللبس فيها مشاكل ، طب الاوض التانيه فيها إيه ؟
وأضاف : للأسف الناس بتصدق مجموعة من البشر بتهاجم علشان مش برضي أطلع معاهم في التلفزيون او اعمل مداخلة.
وأتم : انا راجل موظف في النادي وهعمل دوري لأخر دقيقة وتحت أمر المجلس في أي قرار ، أنا لحم كتافي من خير الأهلي ، لو رحيلي عن الأهلي فيه خير للنادي انا اللى همشي.
شاهد الفيديو
