![رأي صادم من نجم الزمالك السابق بشأن إستمرار زيزو مع الفريق!!-فيديو 1 رأي صادم من نجم الزمالك السابق بشأن إستمرار زيزو مع الفريق!!-فيديو](https://zamalek.news/wp-content/uploads/2024/08/FB_IMG_1724880024325-720x470.jpg)
أكد وائل القباني، لاعب الزمالك السابق، إنه لايمانع في بيع أحمد مصطفى “زيزو”، نجم الفريق، الاول لكرة القدم بالفارس الأبيض، من أجل حل أزمات النادي المالية.
وقال القباني في تصريحات تليفزيونية ببرنامج “الهدف”، عبر قناة “أون تايم سبورتس2″ردا على سؤال ما رأيك في احتواء الادارة وبقاء زيزو؟: ده احتواء ولا رضا ناس ولا علشان السوشيال ميديا، انا قلت الرموز متمشيش من الزمالك للاهلي، والرموز هي اللي بتتربي في النادي وزيزو مترباش في النادي”.
واضاف:” اي لاعب لازم يتعامل نفس معاملة الرموز لانه في النادي، زيزو احسن لاعب في مصر، وبتقول رموز، الرموز هم اللي اتربوا في النادي من سن10 سنين لحد الاعتزال، زيزو علم في الزمالك لكن مش متربي في النادي، ولازم يتعامل كابن من ابناء الزمالك ومختلفتش على جهوده”.
وشدد القباني: “زيزو مش رمز هو لاعب جامد جدا، هل انا رمز؟ لا لاني متربتش جوه النادي، رغم ان انا علّمت وحققت بطولات وقعدت 8 سنين”.
واردف:” ايه المشكله زيزو يمشي؟، لواعتمدنا على لاعب واحد النادي راح في داهيه، ليه نشتغل بالعاطفه مانت اللي جايب زيزو وتقدر تجيب زيه واحسن”.
واشار القباني:” الناس قلقانه ان زيزو يروح الاهلي زي امام عاشور، لو الامور الماليه هتتحل بدون بيع زيزو يستمر، لو الامور الماليه مفيش غير حل بيع زيزو بيعه، الناس تفتكر بس زيزو كان معاك اخدت دوري؟ لا”.
وواصل: “الادارة بترضي الناس دلوقني، مجالس الادارات القديمة ودت النادي في داهيه، الفترة السابقة اخد كام بطوله 2 دوري وكاس وكونفدرالية وسابه ازاي؟، ابيض، دي خساره مش مكسب”.
وأكمل:” انا اعتزلت من17 سنه كان الزمالك معه11 دوري، اخد 3 دوري في 17سنه، هل في تخطيط انتم بتزعلوا مني علشان انا عامل خطه تطلعنا لقدام، بن شرقي وساسي لما مشيوا قولت مينفعش يمشوا لان مكنش في ازمه، لكن احنا عندنا ازمه ماليه لو الازمه الماليه حلها بيع زيزو بيعه لو الازمه تتحل بدون بيعه سيبه”.
وأختتم:” زيزو لاعب جامد ولو انت بقيت على زيزو ومحلتش امورك الماليه ومجبتش لعيبه تشيل زيزو وماخدتش دوري اشرب بقى، ولا لاعب يستحق50 و40 مليون في مصر”.
شاهد: