رأي مفاجئ من طارق يحيى بشأن بيع زيزو.. ويوجه رساله ناريه للإدارة بسبب الصفقات الجديدة- فيديو

أكد طارق يحيى، مدرب الزمالك السابق، إنه لايمانع في رحيل أحمد مصطفى “زيزو”، نجم الفريق الأول لكرة القدم بالفارس الأبيض،ووجه رسالة نارية للإدارة بسبب الصفقات الجديدة.

وقال يحيى خلال تصريحات تليفزيونية ببرنامج” اللعيب”، عبر قناة” mbc مصر”، ردا على سؤال الزمالك مستعد لبيع زيزو ما رأيك؟: “الموقف صعب تبيع زيزو بامكانياته الفنيه، لكن الزمالك عنده ازمه ماليه، ومفيش حاجه اسمها مفكش القيد، ولازم المجلس يرفع القيد لان بدون صفقات قوية مش هيعمل حاجه الموسم الجديد”.

وتابع:” لازم اعمل رقم 1 فك القيد، مفيهاش هزار، الزمالك لن يستطيع المنافسه على البطولات الموسم المقبل، انتم قررتم رحيل موتيابا ومحمود علاء وياسر حمد انتم مش حاسين بالجمهور والناس والله الجمهور بيعيط”.

وأردف يحيى:” ايوه اللعيبه لهم مستحقات، 80 مليون مش هعطيه كلهم مرة واحده، دبر جزء، وفك القيد وهات لعيبه عندك سوبر افريقي ومش هتجي تلاعب الاهلي باللعيبه دي مع احترامي لهم، مش هيسدوا قدام الاهلي “.

وأضاف:” اللي نجح من الـ11صفقة في يناير 3 او4، وهم محمد شحاته وعبدالله السعيد وناصر ناصر واحمد حمدي الله يشفيه، ولعيبه كتيره مستفدناش فنيا منها ولكن اهدرنا فلوس”.

وواصل يحيى: “هات 3 او4 لعيبه جديدة محترمين و سوبر، وانت جايب 6 ناشئين في يناير مانا عندي ناشئين، في الوقت الحالي موافق على بيع زيزو”.

وزاد:” ايه المردود الفني من المجموعه اللي جات في يناير؟،
مين عندك باك ليفت ونفس قدرات فتوح؟، مين مكان دونجا او احمد حمدي معندكش بديل، قاعدين بنعمل ايه في النادي لو مفيش فلوس وصفقات”.

وأختتم: “الزمالك مينفعش يدار كده، جيب ناس لعيبه كرة تختار بدل ماتحيب سكاوتنج يختارلك، لما تجيب طارق مصطفى اوطارق السيد او اسامه نبيه تختار دي ناس لعبت كره ولها رؤيه في الاختيار”.

شاهد: