رد مجدي عبدالغني، لاعب الأهلي السابق ومقدم البرامج الحالي، على هجوم جمال علام، رئيس اتحاد الكرة، ضده بسبب عامر حسين.
وكان جمال علام قد فال: “في ضيف عندك بيتكلم كتير عن الاتحاد وفي مساحة يسألني، لازم يراعي إن في ناس في اتحاد الكرة كانوا بيتعاملوا معاه شخصيًا، حتى لو الفترة فيها انتخابات، لكن منسمحش بالتجاوز، وسمح لضيوفه بالتجاوز في حق الحاج عامر حسين”.
وقال عبد الغني:” عايز أرد على جمال علام. على المستوى الشخصي بكن اكن كل حب واحترام لمن يعمل في اتحاد الكره، واولهم استاذ جمال علام انسان محترم هو والحاج عامر، وعندما تتبوأ منصب عام لابد ان تتحمل الانتقاد، والحاج عامر حسين له حق الرد لو عاوز ياخد حقه قانونا”؟
وتابع: “اللي بيحصل في الكرة المصرية مبيحصلش في جزيرة الموز. الدولة الوحيدة اللي فيها الدوري بيتلعب، وفي207 دوله عضو في الفيفا الدوله الـ209 لاتعمل ما نقوم به”.
وشدد عبد الغني:” الذ حاجه الاستاذ جمال علام بيكلم وكأن الامور عاديه، ويقول القيد مش هيفتح الا بعد انتهاء الدوري والكأس وقالك هنطلب استثناء من الكاف، هنلبس في حيط لو الكاف مش اعطانا استثناء”.
وواصل: “بكره مصر هتلعب الساعه 10 الزمالك الساعه9، ليه عاوز افهم؟، والماتش اللي فات مصر بتلعب مع باراجواي والزمالك بيلعب مش عاوزني انتقد ازاي”.
واتم:” ده تورلي وكفتة الكفتة، جمال علام مش عارف يدي مواعيد لأندية الدرجة الثانية والثالثة اللي مخلصه بقالها 3 شهور، احنا لا ننتقد أشخاص. جمال علام من أعز الناس اللي بحبهم، إنما أنا بتكلم على الشغل”.
