ابدي محمد الشناوي حارس مرمي الفريق الأول لكرة القدم بالنادي الأهلي ، عدم رضاه عن تجاوز الجمهور ضد اللاعبين في مباراة سموحة ببطولة الدوري المصري .
وقال محمد الشناوي ضيف برنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : بحب جمهور الأهلي جداً وأنا عارف إنهم بيتعذبوا في مشوارهم وكلهم فوق راسي وأعظم جمهور.
وزاد : بس أنا رايح أكسب بطولة الجمهور اللي في اسكندرية ولا لاعب شجعت المدرب وخالد الجوادي والاتنين محترمين ، مبتشجعش اللاعيبة ليه؟ بتشتم اللاعيبة ليه؟
وأكد : هل أنت تعرف ده عنده ظرف ايه؟ اللي أنت شتمته ده والدته كانت في المستشفى ساعتها ، في لاعيبة جاتلي وقالتلي مش هنحتفل لأن الجمهور مبيحتفلش بيا و اللاعيبة قالت مش هنروح للجمهور عشان شتموا اللاعيبة.
وزاد : اللعيب دايما لما بيخسر بيبقي زعلان جدا ومستني الجمهور يسانده، ولما تبقي كسبان الجمهور بيدعمك.
وأتم : اتفاجئت إن الجمهور بيهاجم اللعيبة في ماتش سموحة ، هما هتفوا لكولر وخالد الجوادي بس وسمعت الشتيمة بودني لكن مركزتش ، وفيه لعيبة كانت زعلانه جدا.
