رسالة نارية من جمال علام لكولر بعد تصريحاته عن مباريات الدوري وكأس مصر.. “أجلتلك ماتشات علشان تفوز ببطولات”!!- فيديو
رد جمال علام،رئيس اتحاد الكرة، على تصريحات السويسري مارسيل كولر المدير الفني للأهلي، بشأن ضغط مباريات الدوري وإستكمال مسابقة كأس مصر،ووجه له رسالة نارية.
قال علام عبر برنامج “يا مساء الأنوار” على قناة”mbc مصر” ردا على تصريحات كولر : “احنا مش عاوزين نكلم نقول سبب ضغط الدوري وتأخره، في الاخر الرابطه والاتحاد كلنا واحد”.
وتابع:” ده موقف الكرة المصريه كبطوله دوري كانت بتأجل ماتشات خاصه بالانديه المشاركة في افريقيا، انت اخدت امتيازات كثيرة، وعاوزين نشوف فكر جديد علشان تبدأ دوري في مواعيد معينه الدوري الوحيد اللي لسه شغال هو الدوري المصري لازم يبقي في تعديل والرابطه بتدور على حل”.
واضاف علام: “احنا مش هقدر اعمل حاجه مطلوب مني فتح القيد علشان افريقيا ولازم افتح قيد بدري، وعندنا مشاكل الناس مش حاسه بحجم المشاكل بيفكروا بنعند وبيقولوا منعرفش نشتغل ولاندير لا احنا بنعرف نشتغل”.
وشدد:” كأس الرابطه اتعمل بدون الدوليين، وانما الأاس متلعبش ورفضوا يلعبوا من غير الدوليين،لازم نقف مع بعض علشان نخلص الموسم، كان في ميزة أن انت كان بيتأجلك مباريات قدرت تكسب بيها بطولات مينفعش أن احنا النهاردة نقف اتنين ضد بعض”
وأختتم:” الرابطه ممكن تبدأ الدوري متأخر يبقى في فتره اعداد ونغير نظام المسابقة”.
