سؤال مستفز من مهيب عبدالهادي بشأن مستقبل زيزو.. ورد قوي من إسماعيل يوسف وثنائي الأهلي السابقين

وجه الإعلامي مهيب عبد الهادي، سؤال بشأن مستقبل أحمد مصطفى زيزو نجم الزمالك، للثلاثي إسماعيل يوسف لاعب الفارس الأبيض السابق، وعلاء ميهوب وضياء السيد لاعبا الأهلي السابقين.

وردا على سؤال مهيب عبدالهادي: “مارايكم في بيع زيزو ويقوم الزمالك بتكوين فريق جيد بقيمة بيع اللاعب؟”.

قال ضياء السيد:”ليه الازمه دائما حلها بيع النجوم؟، فلوس بيع زيزو هتضيع في الديون، مش هتجيب لعيبه بنفس الكواليتي، طيب مانا عندي كواليتي عالي افرط فيه ليه، الزمالك مش نادي استثماري، ده نادي بطولات، ويعقدوا جلسه مع زيزو ويشوفوا رغبته هل يحترف،ولكني ارفض رحيله”.

وأضاف اسماعيل يوسف:” زيزو ركن اساسي في فريق الزمالك، و6 مليون هتجيب ايه؟، يحيي عطيه الله هتجيبه بكام؟، هتجيب 2 لعيبه وتبيع زيزو يبقى انت خسرت، ارفض رحيل اللاعب عن الزمالك”.

ليعود مهيب عبدالهادي ويقول:” زيزو عاوز يحترف، هل هتعطيه فلوس في الزمالك تعوضه بها، وانت منعه ياخد فلوس كثير، وهيبقى عبء عليك، لكن انت بالـ6 مليون قيمة بيعه تجيب لعيبه والاعب يحترف وبعدها يعود للنادي”.

ليرد علاء ميهوب:”.هل في بديل لزيزو بالزمالك؟لا، ولما نجيب بن شرقي بمليون ونصف دولار يبقى عملت ايه، وارفض رحيل زيزو”.