ضياء السيد يهاجم ميكالي بعد خسارة مصر أمام فرنسا في نصف نهائي الأوليمبياد!! – فيديو

هاجم ضياء السيد، مدرب منتخب مصر السابق، البرازيلي روجيرو ميكالي المدير الفني للمنتخب الاوليمبي، عقب الخسارة أمام فرنسا في نصف نهائي أوليمبياد باريس.

وقال السيد، خلال تصريحات متلفزة عبر قناة”mbc مصر”: “المدير الفني ميكالي عارف من شهر كام ان الدوري هيخلص 15 اغسطس؟،وانت وصلت الاوليمبياد من شهرين، فين خطتك”.

واضاف:” لو بيتفرج على فرق الدوري كان اخد لاعبين بره الزمالك والاهلي، وانا كاتحاد الكره لضمت الكأس في الدوري كنت وقفت الدوري اسبوع علشان المنتخب، ميكالي معملش اجندته ولافكر في لعيبه غير الزمالك و الاهلي”.

وشدد السيد: ميكالي واخد قائمه محدوده من الاول، وكان امام عاشور هيلعب مكان مين؟، النني اللي مقدم افضل اداء، زيزو عمل بطولة كويسه”.

وتابع: “ميكالي عمل قائمة متساعدوش في البطوله، واخد 5 مدافعين و7 في نصف الملعب، اللي حصل شغل فني والتغييرات والاحتياطي مبيعملش فروق، الاختيارت غلط من البداية”.

واشار:” ميكالي مشتغلش على القائمة من بدري، بقى لي سنتين ونصف مشتغلش غير على 2 مدافعين حسام عبد المجيد وعمر فايد بس في مصر، والتالت محمد طارق، مطلعش لاعب في مصر في مركز المدافع في سن المنتخب الأوليمبي غير دول بس”.

واختتم: “انا بشيد به وكل حاجه، لكن في التكيتك والتغييرات ضيع الحلم، وفي اداء هايل من اللاعبين وامكانيات فنيه لكن في قصور من المدرب بالتفاصبل الصغيره التغييرات والاختيارات من البداية وازاي ماخدش هداف الدوي حسام اشرف”.
شاهد: