أكد عامر حسين عضو اتحاد الكرة المصري ، انه ابلغ حسام حسن مدرب منتخب مصر عن طريق جمال علام رئيس الاتحاد المصري لكرة القدم ، انه من الصعب إقامة معسكر منتخب مصر قبل موعد الأجندة الدولية .
وقال عامر حسين في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : التأجيلات كلها حسب اللائحة ، بكرا هنجتمع علشان نحسم مصير مباريات كاس مصر.
وأشار : الأجندة الدولية من يوم 2 سبتمبر ، كابتن حسام قال عاوز التجمع يوم 25 قلتله مستحيل لان الدوري هيبقي خلصان يوم 18.
وأشار : الكلام دا علشان الناس اللى بتقول ان كابتن حسام حسن متفق مع الاستاذ جمال علام.
وزاد : يوم 31 هيكون آخر ميعاد للتسجيل الافريقي فلازم نخلص قبل المعاد ده ، لازم يكون فيه تضحية مش لازم تاخد كل حاجه عندنا ارتباطات كتيرة جدا ، وعندك الأهلي لعب في 3 مسابقات مشاركش فبها باقي الأندية ، لكن للأسف الأندية عاوزه كل حاجه عاوز تريح وعاوزه الفلوس وعاوزه نظام أوروبا وكل حاجه طب اديني مقومات أوروبا الأول.
شاهد الفيديو
