أكد عبد الحليم علي، نجم الزمالك السابق، أن الفريق الاول لكرة القدم بالنادي محتاج تدعيم بشكل قوي من أحل العوزة للمنافسة على البطولات الموسم المقبل.
وقال علي خلال تصريحات تليفزيونية عبر قناة “الزمالك”:” حرام يتظلموا الشباب الصغير، ونحملهم للنتائج، فين الشغل وتتجهيزهم للمباريات، انا الزمالك ونجومه وتاريخه اهم من اي شئ يقال ولا هجامل اي حد على حساب النادي”.
وتابع: “التجربه الي عملتها المفروض انهم يتجهزوا ويلعبوا وياخدوا ماتشات علشان تحكم عليهم، محتاج تاخد مساحة للخبرات و التعليم، اللعيبه دي هتشيل الزمالك ولاصف ثاني ولاثالث؟ الإجابة لا، يبقى لازم كل اللعيبه تطلع اعارات سنتين وتحتك انت اكتشفت موهبه لازم تجهزها كل الناشئين دي محتاجه خبرات واعارات سنتين تلاته، هو انت مش هتدعم؟”.
وأشار علي:” الزمالك محتاج 7 لاعبين علشان ينافس الاهلي وبيراميدز، عاوز 2 مدافعين وباك شمال وديفندر رقم 6 وجناحين يمين وشمال ومهاجم وحارس مرمى، في لعيبه كويسه في الدوري المصري، وممكن تشيل الزمالك وفي اجانب بالدوري المصري يتماشى مع اسلوب الزمالك”.
وأختتم:’احنا هنا بنقول اللي في مصلحة الزمالك وليس لدينا اغراض شخصيه، أنا بحذرك انت في حفرة قدامك علشان تخلي بالك فالمفروض متزعلش، وهفضل اقول رايي واللي في مصلحة الزمالك والجماهير سواء كنت هنا في القناة او في اي مكان”.
