رد عدلي القيعي، رئيس شركة الكرة بالأهلي، على تصريحات طارق مصطفى المدير الفني للبنك الأهلي بعد الخسارة أمام الأحمر وإلغاء هدف بداغي التسلل للبنك.
وكان طارق مصطفى قد قال: “انا كنت في المدرجات وجماهير الأهلي نفسها كانت شايفة ان الكورة جول، زعلان على حاجة واحدة بس وهو انا عايز العدل مينفعش نفرق بين الفرق، متجيش تقولى اصل الكاميرا فيها مشكلة مش قصتى انا، الأهلي واخد الدوري قبل المباراة بتاعتنا دى لكن الموضوع ليه أهداف تانية منها إن الأهلي يوصل للفوز الـ 18″.
وتابع:” حتى الاستديو التحليلي بعد المباراة امال يحلل فوز الأهلي و هدف وسام ومحدش اتكلم على أداء البنك الأهلي ادونا حقنا في دى حتى دى مش هناخد حقنا فيه؟ “.
وقال القيعي، خلال مداخلة هاتفية ببرنامج” اللعيب”، عبر قناة” mbc مصر”: “انا سمعت كابتن طارق مصطفى انه زعلان على كرة الهدف الاوفسايد، كل واحد يظن انه له حق”.
وأضاف:” كابتن طارق بتقول عاوز العداله انت اول فوز تحققه كان على الاهلي وكان في ركلة جزاء غير محتسبه الكل اعترف بها، كنت شايف العداله حلوه وقتها؟، كل واحد عاوز يمسك الصفارة ويحكم “.
وأتم:” خلينا الموسم ببخلص واذا كان الاهلي قد ظلم في ماتش بالتحديد عودوا للمواسم السابقه، كلمة العداله في غير محلها ياكابتن طارق”.
