عودة الهارب كهربا للزمالك.. خلاف حاد بين إسماعيل يوسف ومهيب عبد الهادي على الهواء – فيديو

رد إسماعيل بوسف نجم الزمالك السابق، على حديث الإعلامي مهيب عبدالهادي، بشأن إمكانية عودة الهارب محمود عبدالمنعم كهربا لاعب الأهلي لصفوف الفارس الأبيض مره أخره بعد رحيله عن الأحمر.

ووجه عبدالهادي سؤال لإسماعيل يوسف قائلا:” هل ممكن كهربا يعود للزمالك والجماهير تتقبله مثل ماتقبلت جماهير الأهلي إمام عاشور؟ “.

ليرد يوسف:” لالالالا انت بتهزر كده، ومستحيل ومن رابع المستحيلات كمان، لا الجمهور هيوافق ولا الادارة، اه موقف كهربا زي موقف امام عاشور مع الأهلي، لكن احنا من رابع المستحيلات اننا نتقبل وجوده، لاجماهير ولا ادارة”.

ليعود عبدالهادي ويقول:”انا حذرت الزمالك قبل رحيل كهربا باربعه شهور، ولم يتحرك أحد، هل معقوله يكون عقده 2 مليون جنيه فقط وهو جايب للنازي من الاعارات 80 مليون”.

ليجيب إسماعيل يوسف:” عقد كهربا سليم 100٪ ومتوثق، وقيمة عقده كان اكبر عقد بعد طارق حامد، اللي قعد 4 سنين ياخد 2 مليون جنيه في الزمالك ومتعدلش إلا وقت التجديد”.

وأضاف: “شهادة أمام الله المستشار مرتضى منصور تنازل عن 400 الف دولار لكهربا كانوا للزمالك من اتحاد جده، وهو قعد معنا 6 شهور وجاله عروض، وواقفنا ان يحترف، الموضوع يكون في نقاش وتقعد على الترابيزة، لكن متسبش النادي وتهرب”.

ليرد عبدالهادي:” انا مليش دعوة بالقصه دي، انا باتكلم ان إدارة الزمالك فشلت انها تحتوي كهربا، وبيتم تصدير للجمهور انه هرب، لكن في حاجات في الكواليس وان عقده 2 مليون جنيه كان ممكن تحتويه”.

واشار إسماعيل يوسف:” قيمة عقده مش مبرر انه يهرب من الزمالك، في لعيبه عقودها اتعدلت زي مصطفى فتحي وطارق حامد، وطارق في اخر سنه قلنا له تعالى نعدل، قال مش عاوز دلوقتي لكن اخر الموسم هنقعد واقول الرقم اللي استاهله بادائي في الملعب وطلب رقم واتعدل وقتها”.
شاهد: