كهربا زعلان وافشه متضايق ومنعم عايز يمشي وكولر مسافر .. شوبير يخرج عن صمته ببوست مثير – صورة
أكد احمد شوبير حارس الأهلي السابق ، ان محمد عبدالمنعم مدافع الفريق الأول لكرة القدم بالنادي الأهلي ، يرغب في الرحيل للاحتراف ، وكذلك أفشة يشعر بالضيق ، بينما كولر يرفض خوض مباريات كأس مصر .
وكتب احمد شوبير عبر حسابه الشخصي على موقع التواصل الاجتماعي فيسبوك : يلا نحكي شويه .. نبدأ منين؟
واستمر : طب نبدأ بكهربا اللي هيتمرن بكره عادي آه هو زعلان لكن واخد راحه بأمر دكتور الفريق .. طب وقفشه اكيد متضايق جدا لكن غالبا هيلعب في المباريات الجايه وكمان احتمال بكره كولر هيقعد معاه .
وأكد : طب ومنعم ؟؟ منعم عايز احتراف في أوروبا والأهلي معندوش مانع بشرط رفع المقابل المادي .
وأضاف : خد بقي الأهم كولر رافض تماما فكرة لعب الكاس وبعد آخر مباراة في الدورى هيسافر سويسرا لقضاء الاجازة ويسيب للإدارة القرار يلعبوا الكاس بسامى قمصان أو ميلعبوش.
وأتم : طب والصفقات ده بقي موال كبييير محتاج حلقه كاملة .. بتقول حلقه آه والله زي مابقولكم كده .
