أطلق محمود كهربا لاعب الأهلي تصريح خطير تجاه مارسيل كولر مدرب الأهلي ، بعدما تحدث عن مستقبل المدرب بشكل مباشر .
كولر كان قد دخل في صدام مع اللاعب وقام باستبعاده من المباريات وطلب رحيله عن النادي .
وجاء رد كهربا الليلة بشكل قوي ، بعدما أكد ان اللاعبين هم المضمون بقائهم مع الفريق ولكن المدرب والجهاز الفني من الممكن رحيلهم في أي وقت .
وقال محمود كهربا في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر :موضوع رحيلي عن الأهلي مقفول ، أنا مستمر في الأهلي لأخر لحظة ، إلا لو النادي اللى مش عاوزني.
وأشار : عاوز أقول للناس اللعيبة والجمهور هما اللى موجودين وباقيين والجهاز الفني ممكن يتغير في اي لحظة ، مفيش مشكلة مع الجهاز.
وزاد : جمهور الأهلي ربنا ما يحرمني منهم دول السند طول العمر ليا ولما أبطل هبقي مشجع درجة تالته.
وأكد : مستعد للموسم الجديد وكل يوم فيه متغييرات ، احلي يوم في عمري لما لبست شارة الأهلي وكان حلمي من وانا صغير بس زعلت على الخسارة.
وشدد : عاوز اشكر كابتن سامي قمصان ، عمل معايا شغل كبير وساعدني وبشكر خالد بيبو على اللى بيعمله معايا ، بحب اشكرهم على اللى عملوه معايا.
وأتم : انا قريب من فتوح جدا ، أي إنسان بيغلط في الدنيا ، ربنا أراد كدا ، وإن شاء الله الأزمة تعدي وربنا يرحم المتوفي ، والموضوع يخلص وفتوح يدفع الديه.
شاهد الفيديو
