كشف أحمد عيد لاعب الزمالك السابق والمصري الحالي، عن إمكانية اللعب للنادي الأهلي، في حال تقدم بعرض لضمه.
وقال عيد خلال تصريحات تليفزيونية ببرنامج “المانش” عبر قناة “صدى البلد”، انا كأحمد عيد معرفش ان الأهلي طلب ضمي، وسمعت ان الاهلي بيكلم المصري، ولسه راجع من فرنسا بعد المشاركة في اوليمبياد باريس”
وأضاف: “حصلت على يومين راحة ومش بسأل المصري عن عروض، الزمالك والاهلي اي حد يتمنى يلعب فيهم، والمصري هو اللي يحدد وجهتي القادمة، لكن لوعرض من الأهلي بافكر حاليا بالاحتراف الاوروبي”.
وأشار عيد:” الزمالك كان عاوز يرجعني في يناير الماضي ومش عارف ليه وقفت، بس اللي سمعته مسئول من الزمالك بعدها قال احنا مقدمناش عرض لاحمد يرجع”.
وأوضح: “انا اتوقفت قبل كده بسبب موقف مليش لي دعوه به، وقالوا احمد شتم الأهلي، وانا طلعت في فيديو مع امام عاشور وكنت باغني للزمالك، ولعبت 3 سنين في الاهلي ومش معقول هشتمه، اي حد يجيب الفيديو وفيه اني مشتمش وغنيت للزمالك واتهاجمت واهلي مربونيش اشتم حد اتاخدت بذنب للموجودين”.
