![لحسم الجدل !! سيف زاهر يكشف تفاصيل مكالمته مع والد زيزو !! 1 لحسم الجدل !! سيف زاهر يكشف تفاصيل مكالمته مع والد زيزو !!](https://zamalek.news/wp-content/uploads/2024/08/Screenshot_٢٠٢٤-٠٨-٢١-٠١-٥٧-١٢-٣٨_a23b203fd3aafc6dcb84e438dda678b6.jpg)
أكد الإعلامي سيف زاهر ، انه اجري مكالمة هاتفية مع مصطفي زيزو والد احمد زيزو لاعب خط وسط الفريق الأول لكرة القدم بنادي الزمالك ، من أجل حسم الجدل حول بقاء اللاعب أو رحيله .
وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية : حصل اتصال بيني وبين والد زيزو ، زيزو ادي الموافقة على الاستمرار ، ومرفضش أصلا إنه يستمر قبل كدا.
وشدد : والده قالي عاوز يكمل ، ولو الزمالك عاوز يجدد له .
وأكد : والده قالي إحنا مطلبناش الأرقام اللى اتقالت دي ولا الزمالك أتكلم معانا في أرقام ، قال الناس قالوا عندنا حاجات هنخلصها وبعدها نقعد تاني نتكلم في أرقام.
وأضاف : والده قال ، لو الزمالك شاف إن زيزو طلوعه هيحل مشكلة إحنا تحت أمرهم ، ولو عاوزين زيزو يقعد برده مفيش مشكلة.
وأشار : الأمور ماشيه بشكل متحضر ، إدارة الزمالك هي اللى هتقرر.
وأكد زاهر : حد يقولك أوضة اللبس تبوظ لو زيزو جدد ، هي أوضة اللبس اللى ماسكه نفسها فين ؟ في الأهلي ، هل كل اللعيبة في الأهلي بتاخد قد بعضها ، طبعا لا.
وأضاف : موديست كان بياخد مبلغ كبير ، ومحدش من اللعيبة نطق ولا قال مش لاعبين.
واسترسل : إدارة الزمالك عندها حمل كبير جدا ، كان الله في عون الإدارة.
وشدد: اعتقد خلال ايام موضوع بن شرقي هيخلص.
وأتم : الكسبان بن شرقي لانه راجع لجمهور الزمالك الكبير ، ومن وقت ما مشي ماولعش كشاف، ولا كان هو بن شرقي بتاع الزمالك.