أحرج مصطفى يونس، لاعب الأهلي السابق، زميله في النادي الأحمر، إكرامي الشحات، بسبب الزمالك، بعد تصريحات الأخير عن الفارس الأبيض.
وأثناء تواجد الثنائي مصطفى يونس وإكرامي في ضيافة برنامج “اللعيب “، عبر قناة “mbc مصر” تحدث إكرامي بطريقه غير لائقه عن الزمالك ليرد عليه الأول.
وقال إكرامي:” طول عمر الزمالك بيخاف من الاهلي، والزمالك انسحب علشان خاف من الاهلي، وبدليل مطالبه لم تتحقق، وليه ملعبش المباراة، هو طلب 4 مطالب هل اتحقق حاجه؟”.
ليرد مصطفى يونس:” الزمالك اكثرفريق كسب الأهلي، واحنا كلنا لعبنا مباريات زمالك واهلي، وطول عمرنا بنعمل حساب للزمالك، وانسحبنا قبل كده أمامه ، وبنكلم كلمة حق ربنا هيحاسبنا عليها”.
ليعود إكرامي ويقول؛ “مباراة الزمالك والاهلي لها رونقها، وكنت ببقى سعيد بالمشاركة بها، اذا كنت قولت خايف ده هزار، انا مش بارجع في كلامي، الزمالك نادي كبير، لكن اللي عرفه انا ملعبتش علشان في مطالب هل اتحققت؟، وبعدين العب بعدها بـ3 ايام”.
ليقوم يونس بالرد عليه ثانية:” الكرة في مصر الزمالك والاهلي، ليه الكره وحشه، لان الاهلي بيغرد منفرد، عاوزين الزمالك كويس وبيراميدز وكل الانديه ومفيش تنافس حاليا، هو انا كمصطفى يونس لما الاهلي هياخد الدوري كل سنه هافرح؟ لا”.
وأختتم:” القصه مش زمالك واهلي، انما ماتش الاهلي يسمع ان الزمالك له طلبات، متحققتش انما الكل اتكلم على الطلبات دي”.
شاهد:
