انتقد مجدي عبدالغني ، ضغط المباريات وعدم انتهاء الموسم حتي الان ، وكذلك مواعيد مباريات كأس مصر الصعبة .
وقال مجدي عبدالغني مقدم برنامج ملعب الشمس المذاع عبر شاشة قناة الشمس الفضائية : الأهلي أعلن انسحابه من كأس مصر ، دا دليل على أنها مسابقة فاشلة والقائم عليها فاشل واللى حط مواعيدها بالشكل ده أفشل ، انت بتعند مع مين ؟
وشدد : حرام عليكم اللعيبة مش قادرة تمشي بيلعبوا بقالهم سنة كاملة وكل الدوريات هتبدأ الموسم الجديد وانت لسه مخلصتش القديم .
وزاد : انا لو في الموقف دا ومقولتش سلام عليكم انا فشلت يبقي انا معنديش دم.
وأكد : الأهلي هينسحب ومحدش هيقدر يعاقبه ، هل هتعاقب حد عمل حاجه صح ؟
وأتم : اوعي تفتكر إن الزمالك هيلعب الكاس ، لو حصل ولعب هيبقي بالناشئين لأن جوميز مش موافق لعيبته متعوره.
شاهد الفيديو
تعليقات زوار الموقع
إتبعنا
