![نجم الزمالك السابق: "أويد جوميز في قراره ومش مهم الناس تزعل مني"!!- فيديو 1 نجم الزمالك السابق: "أويد جوميز في قراره ومش مهم الناس تزعل مني"!!- فيديو](https://zamalek.news/wp-content/uploads/2024/08/FB_IMG_1724876613645-720x470.jpg)
أكد وائل القباني، لاعب الزمالك السابق، أن البرتغالي جوزيه جوميز المدير الفني للفارس الأبيض، مدرب جيد ويستحق التواجد مع الفريق الموسم الجديد، مشيدًا بقراره باللعب بالناشئين.
وقال القباني، خلال تصريحات تليفزيونية ببرنامج “الهدف”، عبر قناة “أون تايم سبورتس2″:” جوميز مدرب كبير ويستحق قياده الزمالك، لما الاساسين لعبوا الجميع اشاد بالاداء والنتائج كانت جيده، واخد الكونفدرالية، بعد مباراة المصري وانسحاب الزمالك من مباراة الأهلي وحصل دروب”.
وتابع: “المصريين بيشتغلوا بالعاطفة، انما هو اجنبي لا، وانا بأيد مافعله جوميز، الجماهير زعلانه ويقولوا لازم يقدروا تيشرت الزمالك، لكن هو اخد افريقيا والدوري اصبح مركز ثالث في الدوري يبقى الافضل اللي عمله”.
وشدد القباني:” الافضل اعمل واشتغل للموسم الجديد، جوميز كان بيشوف، ولازم يشوف القماشه اللي معاه وده الوقت المناسب لتجربتها والحكم عليهم، لولعبت بالاساسين ارهقتهم ومش هاضمن مركز ثاني، وانا موافقه لانه ده لمصلحة الزمالك”.
وواصل: “ده اللي بيودي النادي في داهيه ان الناس شغاله بالقطعه، و بتقول اللي الجمهور عاوز يسمعه مڜ اللي في مصلحه الزمالك، مشكله النادي على مدار السنين انه بيشتغل بالقطعه”.
وأشار القباني:” وجمله ان جوميز عرى قطاع الناشئين دي غلط لا قطاع الناشئين في الزمالك اصلا خربان، وبدل ما تزعلوا مني صححوا من وضعكم وحط صوابعك في عيني وانجح”
وأختتم: “انا مبروحش النادي علشان اشتغل ومبعملش زي ناس اروح النادي علشان اطلب شغل، انا من 2007 بعد اعتزالي دخلت النادي 17 مره للعب مباريات خماسي، ودخلت اللجنة الفنيه اسبوع ومشيت، لان مليش دور او الادوار كانت مترتبه غلط وده من سنتين ثلاثه”.
شاهد: