“ابعد عن اللقطة والتريند”.. رسالة نارية من دونجا لـ إمام عاشور بعد واقعة السوبر الإفريقي – فيديو

كشف نبيل عماد دونجا نجم خط وسط نادي الزمالك كواليس مشادته مع إمام عاشور لاعب وسط النادي الأهلي في بطولة السوبر الإفريقي، مشيرًا إلي أن لاعب الأحمر يبحث عن اللقطة فقط.

وشهدت بطولة السوبر الإفريقي التي أقيمت في المملكة العربية السعودية بين الزمالك والأهلي مشادة خاصة بين دونجا وإمام عاشور بعد احتساب ركلة الجزاء للأهلي في الشوط الأول.

وعن كواليس ما حصل بينه وبين إمام عاشور؟، أوضح ” دونجا” :” بعد احتساب ركلة الجزاء اللي تم احتسابها للأهلي كان فيه اعتراض من لاعبي الزمالك .. جه يكلمني قولته متتكلمش معايا الحكم هيروح يشوفها في الفار”.

أشار :” إمام غلط فيه وشتمني بأهلي، وده كان رد فعلي أنا مش بسمح حد يغلط في أهلي .. احنا زمايل في الملعب عادي مكناش صحاب قوي ومكنش فيه أي مشاكل قديمة قبل كده”.

وأضاف ” دونجا” خلال استضافته في برنامج ” الكورة مع فايق” على قناة ” إم بي سي مصر 2 ” : ” بقوله احنا بنلعب كورة ركز في الملعب بس وخليك جامد في الملعب واكسب ومعنديش مانع انك تكسب كورة”.

وتابع :” لكن انت جاي المعلب عشان تركز في اللقطة، وتاخد اللقطة والصورة عشان تنزل الصورة بعد الماتش وتنزل عليها تعليق معين .. معنى كده انت جاي الماتش عشان تطلع تريند احنا مش ممثلين إحنا لاعيبة كورة .. وأنا والله العظيم لم اسئ ليه هو اللي غلط فيا الأول”.

شاهد: