احمد على يكشف كواليس مثيرة في تعاقد الزمالك مع بن تايك وعمر فرج و بوبيندزا !! – فيديو

كشف الإعلامي احمد علي ، عن تفاصيل اختبار مجلس إدارة نادي الزمالك برئاسة حسين لبيب ، الثلاثي الأجنبي من أجل دعم صفوف الأبيض في فترة الإنتقالات الصيفية الجارية .

وقال احمد علي مقدم برنامج زملكاوي عبر شاشة قناة الزمالك الفضائية : اللعيبة اللى تم التعاقد معاها من جانب إدارة الزمالك ، الصفقات دي تطمن الجمهور بشكل كبير .

وأشار : ارون موبينذا موجود في الزمالك وخدها مني متراجعش ورايا ، عندنا الكابتن احمد سليمان وفريق الاسكاوتنج ، بيقدر يحدد الأسماء اللي محتاجها النادي ، وبيتم عرض الأسماء على كابتن أحمد سليمان .

وشدد : كابتن حسين لبيب وكابتن احمد سليمان بياخدوا مثلا اتنين من الترشيحات ويعرضوهم على المدير الفني ويقول عاوز دول .

وشدد : والإدارة بتشتغل وتخلص فيما يخص المفاوضات وإجراءات التعاقد ، مثلا عمر فرج وبن تايك وهارون ، كابتن احمد سليمان مش ييكتفي برأي جوميز الفني ، بيسأل كمان اكتر من مدير فني متواجد وبيشغل مركز الباك ليفت ، الاستشارة دي خطوة مهمة جدا من جانب كابتن احمد سليمان .

واستمر : نفس الأمر بينطبق على باقي اللاعبين ، فيتم الاختيار بناء على الخريطة دي ، الموضوع فيه تأني كبير جدا، فبشكر كابتن احمد سليمان وكابتن حسين لبيب والاسكاوتنج .

وشدد : بعد كدا القصة التفاوضية ، بيكون فيه حد منوط بالحته دي ، عمر فرج مثلا تم التواصل مع وكيله الإسباني ، وبيتم الاتفاق مع الوكيل واللاعب ، واللاعب بيوقع الكترونيا .

وأتم : اللاعب لما بيمضي الكترونيا بيتم الاتفاق هيجي أمتي ويوصل أمتي ، بعد كدا بتوصل البطاقة الدولية ، وبكدا انت بتقطع الطريق على الناس اللى بتبوظ الصفقات وبتعمل كباري.

شاهد الفيديو