أكد الإعلامي احمد علي ، ان صفقة الجابوني أرون بوبيندزا ، انتهت لصالح الزمالك بشكل كامل مع وصول البطاقة الدولية للاعب.
وقال احمد علي مقدم برنامج زملكاوي عبر شاشة قناة الزمالك : عاوز أتكلم على لعيب ، اتقالك ياعم بوبيندزا اختفي ومش عارفين يوصلوا له ، البطاقة الدولية موجودة وبرده يقولك مش عارفين يوصلوا له.
وشد : اللاعب اتأجل وصوله للتلات ، الزمالك تلقي اخطار بوصول البطاقة الدولية ، اللاعب كدا خلاص ، البطاقة الدولية بتوصل لما اللاعب يمضي.
وزاد : الراجل عنده وكلاء كتير علشان كدا فيه لغبطه ، ممكن التصريحات اللى بتشوفها دي صراع وكلاء.
وأكد : وصول البطاقة الدولية يعني ان اللاعب أصبح على ذمة الزمالك، اي حد يتلاعب مش هيعرف لأنه وقع في الزمالك واموره تمام واللاعب هيوصل يوم التلات.
وأضاف : هتعمله اي كوبري ، يبقي بتورط اللاعب لانه هيبقي بيوقع لناديين ، بوصول البطاقة الدولية الموضوع منتهي.
واستمر : معجبنيش تناول قصة تفاوض الزمالك مع صفقات ، بنشوف بعض الإعلاميين ، بيتناولوا الصفقات بشئ من إثارة البلبله ، احد الزملاء بيسأل الضيف هو مضي يقوله لما يوصل ، حضرتك مش واعي للقصة ، الأمور انتهت فبالتالي وصلت البطاقة الدولية ، اللاعب مضي.
وأتم : اتمني وانت بتقدم في قناة تنحي انتمائك جانبا وتتكلم عن كافة الأندية سواء.
شاهد الفيديو
