![الحضري يفتح النار على حسام حسن بسبب حجازي.. "مقدرتش تعاقب إمام عاشور"!! - فيديو 1 الحضري يفتح النار على حسام حسن بسبب حجازي.. "مقدرتش تعاقب إمام عاشور"!! - فيديو](https://zamalek.news/wp-content/uploads/2024/09/٢٠٢٤٠٩١٠_٠١٥١٥٣.jpg)
فتح عصام الحضري، مدرب حراس منتخب مصر السابق، النار على حسام حسن المدير الفني للفراعنة، بسبب أحمد حجازي لاعب نادي نيوم السعودي والمنتخب، بعد استبعاده من المعسكر.
وقال الحضري خلال تصريحات تليفزيونية ببرنامج “يامساء الأنوار”، عبر قناة “mbc مصر”:” كابتن حسام حسن مش مقتنع بحجازي والنني، ولولا لعب الأخير الاولمبياد مكنش هيبقي له مكان في المنتخب”.
واضاف:”حجازي عمره ماعمل مشكله واخلاقه عاليه، ومحدش اتكلم معه قبل الماتش وهيأه نفسيا قبل استبعاده، وموقف الدكه مينفعش، مدرب عام يعني لازم يبقى عارف انه بيكلم مع لاعب منتخب له برستيجه واحترامه، مقدرش اقول اللفظ اللي المدرب طارق سليمان قاله لحجازي “.
وأشار الحضري: “رغم ماحدث حجازي تقبل الامر وخاض المران بعد المباراة، لما تكون عاوز تاخد قرار يبقى في وقتها مش تاني يوم تاخده بعد ماتقعد مع اخوك، وحسام وابراهيم ياخدوا قرار في وقت عصبيه”.
واردف:” انت عاوز تقنعني لما حسام يقعد مع صلاح والشناوي ميقدروش يقعنوا حسام وابراهيم بحل المشكله وبقاء حجازي، ماحصلت قبل كده مشاكل اكبر مع امام عاشور ومستبعدوش”.
وتابع الحضري: “انت حصل بينك وبين امام عاشور اكثر من كده، ومقدرتش تاخد قرار ضده، لازم يبقي في عدل، لتاخد قرار عدل على ناس واتزان مع ناس تانيه ده مش منتخب مصر”.
وواصل:” مينفعش انا كمدير فني خلال4 شهور اعمل المشاكل دي كلها مع اللعيبه، منهم احمد الشناوي وعمر جابر وعمر كمال وحسين الشحات وامام عاشور ومحمدصلاح”.
وأكد الحضري: “عمر جابر وبعض لعيبه بيراميدز مش هيدخلوا المنتحب مع حسام حسن، لانه معتقد انهم مشوه من بيراميدز، انت المفروض تلم مش كل معسكر لاعب يلوي بوزه وبعدها يستبعده”.
وأكمل:” ليه كل المشاكل دي و4 لعيبه مش موجودين، مش هنلاقي لعيبه المعسكرات الجايه”.
وأختتم: “صلاح الفترة الحاليه دماغه وجعاه من حاجات كتير مش من دلوقتي، لما انا كصلاح كابتن الفريق مجبتش الكباتن وقعدت معهم علشان مش شاغل دماغه”.
شاهد: