المحمودي يفجرها : هذا الثنائي مرشح لخلافة جوميز في الزمالك حال خسارة السوبر الأفريقي – فيديو

فجر الإعلامي محمد المحمودي ، مفاجأة بعدما أكد ان بعض أعضاء مجلس الإدارة داخل نادي الزمالك ، رشحوا ثنائي مصري من أجل خلافة جوميز في تدريب الأبيض حال خسارة السوبر الأفريقي امام الأهلي .

وقال محمد المحمودي مقدم برنامج هاتريك عبر شاشة قناة اون تايم سبورتس الفضائية : في بعض المسئولين في الزمالك بيقولوا كلام غلط عن جوميز ، زي مثلا انه مطلبش مدافع ، لا طلب.

وأشار : جوميز طلب لاعبين في مركز الجناح من اول رمضان صبحي وبن شرقي لحد الاسم ال50 ، وقال لو مجبتش حد من دول هاتلي حد اعرفه أنا.

وأكد : علشان كدا جوميز طلب بارو اللى لعب معاه قبل كده الإدارة قالت اشمعنا ده ، وملعبش بقاله سنه ، قالوا كدا فيه ريحه وحشه ، علشان كدا الإدارة جابت كونراد ميشالاك ، ودي نقطة الخلاف بين جوميز والإدارة.

وأتم : فيه أصوات في الزمالك بتقول لو اتغلب في السوبر بأداء وحش يمشي ونجيب مدرب مصري ، وفيه اسمين مطروحين منهم مدرب بيدرب حاليا والتاني مؤمن سليمان.

شاهد الفيديو