المحمودي يوضح الخطأ الفادح لإدارة الزمالك في المفاوضات مع بوبيندزا .. وسر الرسالة الغريبة من داخل النادي – فيديو
كشف الإعلامي محمد المحمودي خطأ إدارة نادي الزمالك في قصة التفاوض مع المهاجم الجابوني أرون بوبيندزا مشيرًا إلى أنه كثرة الأطراف التي تتحدث مع اللاعب من داخل الزمالك هددت إتمام الصفقة.
وقال ” محمد” :”كان فيه غلط وحيد عند إدارة الزمالك في المفاوضات مع بوبيندزا وهو مين اللي بتتكلم باسم النادي ومين الراجل اللي بيكلم اللاعب لدرجة أن برضو جه للاعب على الواتس آب رسالة اتقاله فيها “روح أتكلم مع فلان عشان بيعرف يتكلم إنجليزي أحسن من فلان” هل فيه حاجة كده !!”.
وأضاف ” المحمودي” خلال تقديمه حلقة جديدة من برنامج ” هاتريك” على قناة “أون تايم سبورتس 2 ” :” :”الرسالة دي من داخل نادي الزمالك الحالي لأن كل واحد بيحاول ياخد اللقطة بشكل أو بآخر، وكل يوم تليفون يروح للاعب”.
وتابع :” وكيل اللاعب لم عرف كل ده بدأ يتفاوض مع إدارة الزمالك من جديد وبدأ الكلام من الأول خالص لكن اللي أنقذ الزمالك في الموضوع ده النهاردة أن وكيل اللاعب اللي فرنسا تأكد يقينًا أن لو الصفقة مع الزمالك متمتش واللاعب وقع لأي نادي تاني سيتم إيقافه وتغريمه هو وأي نادي آخر غير الزمالك “.
وأكد ” المحمود” :” لو كان من البداية شخص واحد تدخل مع وكيل اللاعب الرسمي كان الموضوع خلص.. لكن احنا كل يوم تليفون للاعب من شخص مختلف يقوله انا من نادي الزمالك وايه رايك في العرض الفلاني”.
وشدد ” المحمود” :” الموقف حاليًا ان اللاعب قريب من الزمالك عشان أدرك أن لازم يتم انتقاله للزمالك أو يتم إيقافه”.
وأختتم ” المحمودي” :” حاليًا فيه تفاوض جديد مع اللاعب مع أرقام أكبر قليلًا من اللي كمان معروضة قبل كده مع زيادة البونص مع وجود نسبة للوكيل الفرنسي على أن يتم حسم الأمر خلال 48 ساعة”.
شاهد:
